नेपाल पत्रकार महासंघले विभिन्न सञ्चार प्रतिष्ठानमा देखिएको श्रमजीवी पत्रकारका समस्याका विषयलाई गम्भीर रूपमा लिई त्यसको समाधानका लागि कानुनी तथा दबाबमूलक संघर्षको कार्यक्रमलाई अगाडि बढाउने गरेको छ । महासंघले प्रेस तथा अभिव्यक्ति स्वतन्त्रतामैत्री कानुन निर्माण गर्न सरकारको ध्यानाकर्षण गराएको छ। महासंघको सोमबार बसेको उपलब्ध केन्द्रिय समितिको बैठकले हाल सञ्चारसम्बन्धी निर्माणको क्रममा रहेका विभिन्न कानुनहरु प्रेस तथा अभिव्यक्ति स्वतन्त्रतामैत्री कानुन निर्माण गर्न सरकारलाई ध्यानाकर्षण गराएको हो।
आज समितिका अध्यक्ष बिपुल पोखरेलको अध्यक्षतामा सम्पन्न भएको बैठकले विभिन्न ६ बुँदे निर्णय लिएको छ। महासंघले प्रेस विज्ञप्ती जारी गर्दै पहिलो निर्णय हाल विभिन्न सञ्चार प्रतिष्ठानमा देखिएको श्रमजीवी पत्रकारका समस्याका विषयलाई गम्भीर रूपमा लिई त्यसको समाधानका लागि कानुनी तथा दबाबमूलक संघर्षको कार्यक्रमलाई अगाडि बढाउने गरेको छ । साथै, तत्काल पत्रकारको न्यूनतम पारिश्रमिक समयसापेक्ष बृद्धि गर्न सरकारसँग माग गरेको छ।
बैठकले सर्वोच्च अदालतले अधिकार सम्पन्न छुट्टै प्रेस रजिष्ट्रार नियुक्ति गर्न आदेश दिइसकेको सन्दर्भमा चासो व्यक्त गरेको विज्ञप्तिमा गरिएको छ। महासंघले तत्काल छुट्टै प्रेस रजिष्ट्रारको कार्यालय गठन गरी प्रेस रजिष्ट्रार नियुक्ति गर्न सरकारको ध्यानाकर्षण गराएको उक्त विज्ञप्तिमार्फत जनाएको छ।
चौथो निर्णयमा साना लगानी तथा स्वरोजगारमूलक मिडियाहरू धरासायी हुँदै गएको सन्दर्भमा समानुपातिक विज्ञापन वितरण प्रणालीलाई तत्काल लागू गर्न बैठकले सरकारको ध्यानाकर्षण गराएको महासंघले बताएको छ।
आगामी चैत्र १६ गते महासंघको ६८औं स्थापना दिवसलाई ‘विश्व शान्तिको मुहान’ लुम्बिनीमा विशेष कार्यक्रम गरी मनाउने निर्णय गरेको छ । साथै, बैठकले उक्त दिन प्रदेश समिति र शाखा समितिमा पनि अनुकूलताअनुसार विभिन्न रचनात्मक तथा अतिरिक्त क्रियाकलापको आयोजना गरी स्थापना दिवस मनाउन विज्ञप्तिमार्फत आग्रह गरेको छ।
यस्तै महासंघको सदस्यता शुद्धीकरण, सञ्चार क्षेत्रको सबलीकरणका लागि चैत्र १७ गते लुम्बिनीमा ‘राष्ट्रिय मिडिया सम्मेलन’ गर्ने निर्णय बैठकले गरेको छ ।
सम्मेलनमा सञ्चार क्षेत्रका विज्ञ, अर्थविद, मिडियाको समग्र अनुसन्धानको क्षेत्रमा क्रियाशील, महासंघका पूर्वअध्यक्ष, सल्लाहकार, केन्द्रीय समिति, प्रदेश समितिका अध्यक्ष, महासचिव तथा शाखा समितिका अध्यक्ष सहभागी हुने जनाइएको छ।
