काठमाडाैं । राष्ट्रिय स्वतन्त्र पार्टीका सभापति तथा सांसद रवि लामिछानेले संसद् ‘हाइज्याक’ भएको टिप्पणी गरेका छन् ।
प्रतिनिधिसभाको साेमबारको बैठकमा रास्वपाले सभामुख देवराज घिमिरेले बोल्नका लागि समय नदिएपछि सदन हाइज्याक भएको बताए ।
सभापति लामिछानेले भने, ‘संसद हाइज्याक भयाे ।’ एमालेले संसदमा नाराबाजी गरेपछि लामिछानेले आक्राेष व्यक्त गरेका हुन् । सदन हाइज्याक गरेर जनताका आवाज उठान गर्न नसकिएको उनको भनाइ थियो ।
रास्वपा सांसद विराजभक्त श्रेष्ठले संसदमा प्रतिपक्षलाई बाेल्न नदिएर विभेद गरिएको बताएका छन् । सोमबार संसद् सुरु भएसँगै कांग्रेसका सांसद सुनील शर्मा र एमालेका सांसद मानवीर राईले बोलेपछि सभामुखले नियमित तालिका अनुसार सदन चलाउन खोज्दा एमालेका सांसदहरू उठेर विरोध जनाएका थिए ।
एमालेको विरोधसँगै सोमबारको बैठक एक हप्ताका लागि स्थगित भएको छ ।
