साउन ६, राष्ट्रिय आविष्कार केन्द्रका संस्थापक तथा अध्यक्ष महावीर पुनले फेसबुकमा एक पोस्ट गर्दै यस विषयमा जानकारी दिएका हुन् । नेपालमा अहिले नै रकेट बनाएर अन्तरिक्षमा पुर्याउन सकिँदैन र भू-उपग्रहरू छोड्न सकिँदैन ।
चन्द्रमा र मंगल ग्रहमा जाने त कुरै छोडौं, तर सो क्षेत्रमा एकदमै चाख भएका र एरोनटिकल इन्जिनियरिङ विषय पढेका नेपाली युवाहरूको क्षमता वृद्धि गर्न सानो स्केलमा भए पनि त्यो क्षेत्रमा अनुसन्धानको काम गर्ने मौका दिनु पर्छ भन्ने मेरो मान्यता हो । पुनका अनुसार हालसम्म अनुसन्धानका लागि केन्द्रले २९ लाख ७४ हजार १ सय ४५ रुपैंया खर्च गरिसकेको छ । यही कामलाई निरन्तरता दिनका लागि उनले विज्ञहरूको सल्लाह र सुझाव पनि मागेका छन् ।
