२९ चैत, काठमाडौं । सगरमाथा आरोहणका लागि बाटाे निर्माण गर्ने क्रममा तीन जना आरोही शेर्पा बेपत्ता भएका छन् । पर्यटन विभागका निर्देशक युवराज खतिवडाका अनुसार उनीहरु बुधबार बिहान साढे ९ बजेदेखि हराइरहेका छन् ।
हराइरहेका आरोहीमा दा छिरी शेर्पा, लाक्पा टेण्डी शेर्पा र लाक्पा रिता शेर्पा रहेका छन् । उनीहरु बेस क्याम्पबाट क्याम्प वानको बीचमा बेपत्ता भएका छन् । अहिले सिम्रिक एयरको हेलिकप्टरमार्फत उनीहरुको खोजी कार्य भइरहेको छ ।
उनीहरुको उद्धारका लागि स्थलमार्गबाट समेत टिम खटिएको जनाइएकाे छ । सगरमाथा आरोहणकाे सिजन शुरूभएका कारण बाटो बनाउने तथा अत्यावश्यक सामान लैजाने काम जारी छ ।
