- रूद्रबहादुर खड्का
वैशाख ३०, सिन्धुली । सिन्धुलीको कमलामाई नगरपालिकामा तीन दिने आधारभूत बंगुर पालन सम्बन्धि तालिम सम्पन्न छ ।
छिमेक लघुवित्त वित्तीय संस्था लिमिटेड सिन्धुलीले तीन दिने आधारभूत बंगुर पालन तालिम आयोजना गरेको हो । छिमेक लघुवित्त वित्तीय संस्था सिन्धुली शाखाले संचालन गरेको उक्त तालिममा स्थानीय ३० जना सदस्यकोहरु सहभागीता रहेको थियो ।
तालिमका सहभागीहरुले तालिमबाट बंगुर पालनका लागि महत्वपूर्ण विषयहरु सिकेको र यसबाट व्यवसायीक बंगुर पालनमा सहयोग पुग्ने विश्वास व्यक्त गरेका छन् ।
वेरोजगारको समस्या दिनानुदिन बढ्दै गइरहेको परिस्थितिलाई मध्यनजर गर्दै मेहनति, परिश्रमी, आत्मविश्वासी भई परियोजना बनाई व्यवसायलाई निरन्तरता दिने हो भने आफ्नै गाउँघरमा व्यवसाय गरि आर्थिक स्तरोन्नती गर्न सकिन्छ भन्ने उद्देश्यका साथ संस्थाले यस्ता आधारभूत सिपमुलक, आयमूलक तालिम प्रदान गर्दै आएको शाखा प्रमुख कपिलले रानाले बताए ।
यसअघि पनि संस्थाले आफ्ना ग्राहकलाई लक्षित गरि ३५ जनामा आधारभुत चुरापोते बनाउने तालिम तथा ७० जनालाई वित्तीय साक्षरता तालिम संचालन गरेको शाखाका तालिम संयोजक हरि बहादुर शिवभक्तीले जानकारी दिए ।
जिल्लाको कमलामाई नगरपालिका ६ स्थित शान्तीनगर चीकमा रहेको छिमेक लघुवित्त वित्तीय संस्था लिमिटेड सिन्धुली शाखाले २०६४ सालदेखि कर्जा, बचत, विमा तथा आयमुलक तालिमहरु सञ्चालन गर्दै आएको छ ।
आगामी दिनहरुमा पनि आफ्ना ग्राहकको सल्लाह, सुझाव अनुसार आवश्यक तालिमहरु आयोजना गर्दै जाने र तालिम पश्चात व्यवसायको अनुगमन पनि गर्ने संस्थाका तालिम प्रशिक्षक कमचारी निशान श्रेष्ठले बताए ।
