काठमाडौं । माओवादी अध्यक्ष एंव पूर्व प्रधानमन्त्री पुष्पकमल दाहाल प्रचण्डले भारतमा नेपाली विद्यार्थीमाथि भएको घटनाप्रति दुःख व्यक्त गरेको छन् ।
दाहालले सामाजिक सञ्जालमार्फत भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजीको छात्रावासमा एक नेपाली छात्राको मृत्यु भएको र नेपाली विद्यार्थीलाई होस्टेलबाट निकालिएको समाचारले गम्भीर बनाएको जनाएका छन् ।
उनले भनेका छन् ‘मृतक विद्यार्थीप्रति भावपूर्ण श्रद्धाञ्जली अर्पण गर्दै परिवारजनमा गहिरो समवेदना व्यक्त गर्दछु । घटनाको यथार्थ विवरण सार्वजनिक गरी निष्कासित विद्यार्थीहरूको सुरक्षाका लागि तत्काल कुटनीतिक पहल गर्न सरकारसँग आग्रह गर्दछु । ’
भारतमा भएको उक्त घटनाको विषयलाई लिएर सामाजिक सञ्जालमा चौतर्फी विरोध भइरहेको छ । अधिकांशले घटनाको विरोध गर्दै मृतक छात्रा प्रकृति लम्सालका सम्बन्धमा सत्यतथ्य छानबिन गरी दोषिमाथि कारबाहीको माग गरेका छन् । त्यस्तै छात्रावासबाट लिकालिएका विद्यार्थीलाई ससम्मान छात्रावासमा बस्ने र अध्ययन गर्ने व्यवस्था गर्नं माग गरेका छन् ।
यसैबिच भारतस्थित नेपाली दुतावासले विज्ञप्ति मार्फत घटनाको सत्यतथ्य छानबिन गर्दै नेपाली विद्यार्थीलाई छात्रावासमा बस्ने र अध्ययन गर्ने व्यवस्था मिलाउन कलेजसँग समन्वय भइरहेको जनाएको छ ।
