असाेज ४, काठमाडाैं । दुबई जानका लागि १८ कपी पासपोर्ट साइजको मुल्य रु १५ सय र रु ४५ सय पर्ने मेडिकलमा ७ हजार ५ सय लिएपछि कामदार आक्रोसित भए ।
सरकारले ल्याएकाे फ्रि भिसा र फ्रि टिकट सम्बन्धि नियम कार्यन्वयनमा आएपछि पछिल्लो चरणमा म्यानपावर व्यवसायीहरुले विभिन्न बहानामा बैदेसिक राेजगारीमा जाने कामदारसंग कमिशन खाने र चर्को रकम असुल्ने क्रम राेकिएकाे छैन ।
सरकारले १० हजारमा खाडी मुलुकमा जान पाउने व्यवस्था गरेपनि कतिपय म्यानपावरले भित्रभित्रै चर्को शुल्क लिनेगरेका छन् । कामदार सँग १० हजारको बिल बनाएर एकलाख माथी रकम लिन थालेपछि सरकारले विभिन्न म्यानपावरलाई कारबाही पनि गर्याे। सोही कारबाहीमा परेको धुम्बाराहीस्थित न्यू गोर्खा म्यानपावरले अहिले भने नँया शैलिबाट कामदारसंग बढि शुल्क लिनेगरेकाे छ ।
केही बर्ष बन्द भएको उक्त म्यानपावरले कामदारहरुसँग कमिशन खाने गरी छुटटै तरिकाले रकम असुलेको भटिएको छ । म्यानपावरले दुबइ जानका लागि चाहिने फोटोको लागि सुकेधरास्थित केसी डिजिटल फोटो स्टुडियोसँग मिली १८ कपी पासपार्ट साइजको फोटोका लागि १५ सय लिएको कामदारले बताए।
नाम नबताउने शर्तमा ३ जना कामदारले आक्रोश पोख्दै मेडिकलमा समेत चर्को शुल्क लिएकाे बताए । उनीहरुका अनुसार १ जनाको मेडिकल शल्क दुबईका लागि ४५ सय पर्ने भएपनि ७५ सय लिएको बताए । फोटो स्टुडियो र सम्बन्धित मेडिकलले बिल पनि नदिएको र पैसा तिरेर जानुस भनेकोमा गुनासो पोखे । ‘३ सय फोटो र कलर फोटोकपीको ५० का दरले जति नै गरेपनि ६ सय सम्म ठिक हो तर यो त अति भयो । रिस उठेपनि के गर्नु, बिदेश जानैपर्ने बाध्यता छ ।’ यसै हप्तामात्रै दुबईका लागि म्यानपावरले १सय जना भन्दा बढी कामदार माग गरेको थियाे ।
