बैशाख २२,भक्तपुर । सिर्जना डेरी एण्ड बेकरी सप बालकोटको आयोजना र यूरसिया रेयूकाइ नेपालको सहयोगमा नेपाल रेडक्रस सोसाइटी, भक्तपुर शाखाले रक्तदान गरेको छ ।
सूर्यविनायक नपा.२ बालकोट चोकमा आयोजना गरिएको रक्तदान बारे जानकारी दिदै पुस्कल गजुरेलले काठमाडौं उपत्यकामा हुनेगरेको रगतको अभावलाई मध्यनजर गर्दै प्रत्येक तीन तीन महिना यस क्षेत्रमा रक्तदान गरिदै आएको बताउनुभयो । १८ वर्ष पुरा भएका सबै स्वस्थ्य व्यक्तिलाई रक्तदान गर्न उहाँले आवहन गर्नुभयो ।
सिर्जना डेरी एण्ड बेकरी सपकी सञ्चालक (डल्लीको चिया पसल) विपना खत्रीले रगतको अभावलाई कमगर्ने अभियानमा लागेको बताउनुभयो । यसअघि पनि धेरैपट गरिएको भन्दै यो पुन्यकार्यमा सबैको साथ र सहयोगको खाँचो रहेको बताउनुभयो ।
शनिबार भएको रक्तदान कार्यक्रममा ४३ जना रक्तदाताले रक्तदान गरेको आयोजकले जनाएको छ । रक्तदातालाई प्रशंसापत्र र डिल्लीको चिया पसल अंकित टिसर्ट समेत प्रदान गरिएको थियो ।
