काठमाडौं । नेकपा एमालेका अध्यक्ष केपी शर्मा ओलीले जनताको सरकारलाई सफल बनाउन चाहेको बताएका छन् । नवनिर्वाचित पाटिका सांसदहरुलाई सम्बोधन गर्दै ओलीले विदेशीहरु सरकार असफल बनाउन लागेको भन्दै पुस २६ गते समयमै उपस्थित भएर सरकारलाई विश्वासको मत दिन आग्रह गरे ।
उनले अहिलेको सरकार नेपालीले बलजफ्ती बनाएको बताएका छन् ।
यो नेपालीहरुले बलजफ्ती बनाएको सरकार हो । यो सरकारलाई हामी सफल सरकार बनाउन चाहन्छौं । यो सरकारलाई हामी उपयुक्त ढंगले गाइड गर्न चाहन्छौं । यसले सही नीति लेओस् । यस सरकारले भ्रष्टाचार नगरोस् । भ्रष्टाचार नसहोस् । यसले सुशासन र विकास निम्ति उचित र आवश्यक कदमहरु दृढताका साथ चालोस् । सक्रियतापूर्वक अघि बढोस् । हामी त्यो चाहन्छौं’ ओलीले भने ।
प्रधानमन्त्री पुष्पकमल दाहाल प्रचण्डले २६ पुृसमा विश्वासको मत लिँदैछन् । त्यस दिन सबै सांसद समयमै हाजिर भएर प्रधानमन्त्रीलाई विश्वासको मत दिन पनि ओलीले निर्देशन दिए ।
