काठमाडौं । न्युनचापीय रेखा सरदर स्थानभन्दा उत्तरतिर (नेपालतिर) सरेकाले आगामी तीन दिनसम्म मनसुन सक्रिय हुने जल तथा मौसम विज्ञान विभागले जनाएको छ । मधेश प्रदेशमा पनि आगामी तीन दिन पानी पर्ने प्रक्षेपण छ ।
मौसमविद विनोद पोख्रेलका अनुसार मनसुन नेपाल तर्फ बढेका कारण आगामी तीन दिन नेपालभरी पानी पर्ने सम्भावना रहेको छ ।
देशका धेरै भागमा बर्षा हुनुका साथै गण्डकी, बाग्मती र मधेश प्रदेशका केही स्थानमा मंगलबारसम्म पानी पर्ने सम्भावना रहेको छ । अति भारी बर्षाको सम्भावना नरहेपनि सतर्कता भने अपनाउन आवश्यक रहेको उनेले जनाएका छन् ।
आगामी तीन दिन देशका केही स्थानमा हल्कादेखि मध्यम वर्षा र थोरै स्थानहरुमा भारी वर्षा हुने प्रक्षेपण मौसमविदको छ ।
मधेशमा पर्याप्त पानी नपर्दा समस्यामा परेका किसानहरुलाई यो वर्षाले केही राहत मिल्ने सम्भावना छ ।
