काठमाडौं । नेपाल भ्रमणमा रहेका अमेरिकी सहायक विदेशमन्त्री डोनाल्ड लु उच्चस्तरीय राजनीतिक भेटघाटमा रहेका छन् ।
शुक्रबार १२ बजेतिर काठमाडौं झरेलगत्तै लु ले उच्चस्तरीय भेटघाटलाई तिब्र पारेका छन् ।
लु ले आज पराष्ट्रमन्त्री एनपी साउदसंग भेटघाट गरेका छन् । भेटका क्रममा एमसीसी परियोजना कार्यान्वयनको अवस्था लगायतमा छलफल भएको जनाइएको छ ।
परराष्ट्रमन्त्री साउदले नेपालीहरुले अमेरिकि भिषाका लागि लामो सयम लाग्ने गरेको भन्दै सहजीकरण गर्न आग्रह गरेका थिए ।
विदेशमन्त्री लु ले उक्त समस्याको समाधानका लागि प्रतिवद्धता व्यक्त गर्दै अमेरिकी अर्थतन्त्रमा नेपालीहरुको योगदानबारे प्रसंसा गरेको जनाइएको छ ।
यस्तै विदेशमन्त्री लु ले आजै नेपाली कांग्रेसका सभापति शेरबहादुर देउवा र नेकपा एमालेका अध्यक्ष खड्गप्रसाद ओलीसंग पनि छुट्टाछुट्टै भेटघाट गरेका छन् ।
