-विनाेद दाहाल
श्रीलङ्का हैन देश युक्रेन बन्ने खतरा छ । चेतना र नियत उहीँ छ, पद र हैसियत चाहिँ ठूलोठूलो हुँदैछ । स्वीजरल्यान्ड बनाउछु भन्ने हार्दैछन् र युक्रेन बनाउने नियतका जित्दैछन् ! युक्रेनी हुने भनेको कच्ची राजनीति हो । नेपाली जनताको भविष्य दुष्टहरुको नियतसँग खोस्न अब सकस पर्दैछ ।
देशलाई पराधिन हैन, स्वाधिन बनाउनेतिर सोच्दा नै सहि हुन्छ । अहिले देशमा स्वतन्त्रताको दुरुपयोग गर्दै एउटा अराजकता फैलिएको छ र त्यो झांगिदैछ ।
जनअनुमोदनको नाममा आएको त्यो असहिष्णु भीड रवीवादी र ज्ञानेन्द्रवादीहरुको झगडामा परिणत भएको देखिएको छ । यो तत्काल साम्य हुँदैन किनकि दुबै अराजक भीड हुन्, शक्तिकेन्द्रका जत्था हुन् ! आफू नागरिकता जस्तो संवेदनशील बिषयमा कमजोरि गर्ने र मुद्दा हाल्नेलाई, आलोचना गर्नेलाई नसहने यी ठग गिरोहहरुलाई कुनै सरोकार राख्नु जरुरि छैन । “घृणित राजनीति” भन्ने जनता रवीसँग यति क्रेजी भएका छन् कि सती जान नै तयार छौं भन्नेहरुको पनि जमात छ ।
झेली र गोप्य फास्ट्र्याकबाट कार्यविधि मिचेर र गृहका लुटेरा गिरोहसँग मिलेर देशको सुचना विदेशीले सहजै पाउने वातावरण मिलाउने नीजि विदेशी कम्पनिलाई दिलाईदिने विदेशी दुष्टका सेवक, “मलाई गृह नै चाहिएको छ” भन्दा पनि मतलव गर्दैनन्, अन्धा झैं छन् । धमलासित रवीले राष्ट्रिय परिचयपत्र छपाई, रेकर्ड राख्ने र रुजुगर्ने विदेशी कम्पनीलाई फास्ट्र्याकबाट ल्याएको १ अर्बको काण्ड स्वीकारेको छन् ।
छानविन होस्, कारवाही भोग्न तयार भएको बताएको छन् । राजनीतिको महत्व नभएका अराजकहरु उनलाई भोट हाल्ने अवशर आयो भन्छन् । देशमा स्वतन्त्रता प्राप्त भएको छ । यो लोकतान्त्रिक गणतन्त्र, संघीयता, समावेशीता, धर्म निरपेक्षता र जनयुद्ध तथा जनआन्दोलनमा योगदान दिनेलाई राष्ट्रिय सहिद घोषणा गरेको अवस्था पनि छ । संझौतामा सकिएको वा जनयुद्ध र जनआन्दोलनलाई समायोजन गरिएको राजनीतिक यात्रामा षड्यन्त्रका तानावानाहरु ओछ्याउन थालेका वेलामा पुष्पकमललाई सबै मिलेर उनी विनाको संसद बनाउन खोजे । त्यसको नेतृत्वका लागि तयार गरिएको रवीले अहिले संसदमा दरो स्थान नै बनाएको छ । परिवर्तन नपचेका, जनविरोधि र अराजकको उनको अराजक भीड पनि देखापरेको छ । अहिले पुष्पकमल मात्र हैन कांग्रेस र एमालेलाई चुनौती खडा भएको छ ।
जनतामा आएको बितृष्णाको कारण खोतल्नु जरुरि छ । परिवर्तन भएको भनिएको देशमा जनप्रतिनीधि नौकरशाहा भएका छन् । निर्मम र अविवेकी भएर जनता ठगिरहेका छन्, लुटिरहेका छन् । जनतामा कर थोपरेर आफू मस्ती गर्दैछन्, आफ्नो वर्ग उत्थान गरिरहेका छन्, भ्रष्ट शासन चलाईरहेका छन् र जनतालाई निराश बनाएका छन् ।
जनताको जीवन नउठ्ने र कमिशन धेरै आउने खालको विकासको नमुना रोज्ने गर्छन् । अर्कोतिर दलाल पुँजीपतिहरुलाई अर्ब-खर्ब कर छुट दिएको अवस्था छ, सानाले छलछाम गर्नसक्दा ठूलो सफल व्यक्ति बनेको भ्रम दिने गरेका छन् ।
