भारतीय जनता पार्टी (भाजपा) का विदेश विभाग प्रमुख विजय चौथाइवाले नेपाल आएका छन् ।
सुदूरपश्चिममा आयोजित अन्तर्राष्ट्रिय मानसखण्ड सम्मेलनमा भाग लिन सडकमार्ग हुँदै धनगढी आइपुगेका चौथाइवाले आज काठमाडौं आउँदैछन् । त्यसअघि चौथाइवालेले मानसखण्ड सम्मेलनलाई सम्बोधन गर्नेछन् ।
काठमाडौं आउनासाथ भाजपा विदेश विभाग प्रमुख चौथाइवालेले उच्चस्तरीय राजनीतिक भेटघाट गर्ने कार्यक्रम छ ।प्रधानमन्त्री पुष्पकमल दाहाल प्रचण्डको भारत भ्रमणको तयारी भइरहेको बेला चौथाइवाले नेपाल आएका हुन् । प्रधानमन्त्री प्रचण्ड वैशाख तेस्रो हप्तातिर भारत भ्रमणमा जाने तयारीमा छन् ।
भाजपा विदेश विभाग प्रमुख चौथाइवालेले प्रधानमन्त्री पुष्पकमल दाहाल प्रचण्ड, परराष्ट्रमन्त्री एनपी साउद, कांग्रेस सभापति शेरबहादुर देउवालगायत शीर्ष नेताहरूसँग भेटवार्ता गर्ने कार्यक्रम छ ।
