( सिन्धुलीबाट बलराम अधिकारीकाे सहयाेगमा )
सिन्धुली । श्री राजदेवि कृषि तथा पशुपालन दुग्ध उत्पादक सहकारी संस्था लि. को तेस्रो वार्षिक साधारणसभा सम्पन्न भएको छ ।
प्रमुख अतिथि एव्ं सिन्धुली क्षेत्र नं २ बाट निर्वाचित प्रतिनिधि सभा सदस्य लेखनाथ (राजन) दाहालले कृषकले दुधको उचित मुल्य पाउनुपर्ने भन्दै त्यसका लागि पहल गर्नुका साथै कृषकलाइ चाहिने आवश्यक उपकरणको लागि पहल गर्ने बताउनुभयो ।
उहाँले व्यवसायीक पशुपालन गरि सहकारीलाई जिल्लामै उदाहरणीय बनाउन सबैजना लाग्नुपर्ने बताउनुभयो ।
कमलामाई नगर प्रमुख उपेन्द्र कुमार पोखरेलले आफु सदैव कृषक र कृषि पेशालाई माया गर्ने भन्दै सहकारीको विकासका लागि नगरपालिका तयार रहेको बताउनुभयो । उहाँले नगरपालिकाले कृषक र सहकारीलाई जुनकुनै तवरले सकरात्मक सहयोग गर्ने वचन दिनुभयो ।
त्यस्तै नगर उप प्रमुख मञ्जु देवकोटाले सस्था स्थापनादेखि नै सदैव सस्थाको लागि कमलामाई नगरपालिकाले विविध तवरवाट साथ सहयोग गर्दै आएको बताउनुभयो ।
पुर्व नगर प्रमुख खड्ग वहादुर खत्रिले हिजो हिजोका दिनमा सहकारीलाई दूध चिस्याउने मेसिन लगायतका उपकरण कमलामाई नगरपालिकाले उपलब्ध गराएको र आगामि दिनमा समेत अझ यस्ता दूध क्षेत्रमा आवश्यक सामानहरु नगरले उपलब्ध गराउनुपर्नेमा जोड दिनुभयो ।
कनपा ५, राजपानीस्थीत सिन्धुलीमा रहेको संस्थाले साधारणसभाको अवसरमा सहकारी स्थापनार्थ तथा संस्थामा संकलित दुध संकलन संगै बजार व्यवस्थापनमा बिशेष भुमिका खेल्ने सिन्धुली डेरी उद्योग प्रा.लि.का संचालक बलराम अधिकारीलाई सम्मान सहित कदर पत्र प्रदान गरेको छ ।
संस्थालाई सहकारी भवन निर्माण गर्न जग्गा उपलब्ध गराई सहयोग गर्नुहुने माधव अधिकारी र रुकमिणि अधिकारीलाई सम्मान सहित कदर पत्र प्रदान गरेको थियो ।
संस्थाको शेयर सदस्य भई व्यवसायीक पशुपालन गरि संस्थामा गाई भैसिको दूध विक्री गर्ने चन्द्र व. ठोकर, निलहरि दाहाल , यज्ञ व. थापा, सार्किमान तामाङ, प्रयागराज खतिवडा, उर्मिला कार्की, कृष्णहरि कार्की सम्मानित हुनुभएको छ ।
सहकारीको तेस्रो वार्षिक साधारणसभाको अवसरमा संस्थाको शेयर सदस्य भई संस्थामा दूध बिक्री गर्ने सम्पूर्ण कृषकलाई प्रती लिटर १ (एक) का दरले हुन आउने रकम नगद पनि आजै वितरण गरिएको थियो ।
संस्थाको अध्यक्ष यम कुमार देवकोटाले अतिथि लगायत कार्यसमिति पदाधिकारी तथा शेयर सदस्य तथा उपस्थिति सम्पूर्ण महानुभावहरुलाई हार्दिक अभार व्यक्त गर्दै धन्यवाद दिनुभयो ।
सचिव प्रमोद सिन्धुलीयले संस्थाको प्रगति प्रतिवेदन प्रस्तुत गर्नुभएको थियो भने कोषाध्यक्ष कमल सुवेदीले कोषको प्रतिवेदन प्रस्तुत गर्नुभयो ।
संस्थामा हाल शेयर सदस्य १२० र दैनिक ८०० देखि ९०० लिटर दुधको कारोवार भैरहेको छ । आ.व. २०७८/७९ मा संस्थाको कुल कारोवार २ करोड ७५ लाख भन्दा माथि रहेको साथै सस्थामा आगामि दिनमा दुधको परिणाममा अझ बृद्दि लक्ष राखिएको संस्थाका कोषाध्यक्षले बताउनुभयो ।
