भदौ १६, काठमाडौं । नेपाल भन्सार एजेन्ट संघ काठमाडौंले भन्सार एजेन्ट महासंघको आह्वानमा भोटेकोशी बाढी प्रभावितको राहत तथा उद्धारका लागि दुई लाख रुपैयाँ आर्थिक सहयोग गरेको छ।
भन्सार एजेन्ट संघ काठमाडौंका अध्यक्ष होमनाथ धमलाले मंगलबार त्रिभुवन अन्तर्राष्ट्रिय विमानस्थल भन्सार प्रमुख प्रशासक रामकृष्ण पुडासैनीलाई दुई लाख रुपैयाँको चेक हस्तान्तरण गर्नुभएको हो।
संघले सम्पर्कविहीन व्यक्तिहरूको तत्काल खोज तथा उद्धार, प्रभावितहरूको राहत एवं पुनःस्थापनाका कार्यलाई प्राथमिकताका साथ प्रभावकारी रूपमा अघि बढाउन नेपाल सरकार, सुरक्षा निकाय, स्थानीय प्रशासन तथा सम्बन्धित सम्पूर्ण निकायको ध्यानाकर्षण समेत गराएको छ।
संघले भन्सार एजेन्ट परिवार, उद्योगी–व्यवसायी तथा आम नागरिकहरूलाई मानवीय सहयोग, सहकार्य र एकताका साथ विपद्मा परेकाहरूको साथमा उभिन सबैकमा अपिल गरेको छ।
