काठमाडौँ — नेपालको प्रमुख जब पोर्टल तथा एचआर (HR) सेवा प्रदायक कम्पनी ‘कुमारी जोब’ ले आफ्नो AI प्रविधिमा आधारित एप्लिकेन्ट ट्र्याकिङ सिस्टम (ATS) लाई अन्तर्राष्ट्रिय व्यावसायिक सञ्जाल लिङ्क्डइन (LinkedIn) सँग जोडेको छ। यसले नेपालमा रोजगारी दिने र लिने प्रक्रियालाई अझ सहज, द्रुत र व्यवस्थित बनाउने कम्पनीले जनाएको छ।
हाल कुमारी जोबमा १० लाखभन्दा बढी रोजगारदाता/जोबसीकर दर्ता छन् भने नेपालमा लिङ्क्डइन प्रयोगकर्ता करिब २७ लाख रहेका छन्। यी दुवै सञ्जाल जोडिएपछि अब रोजगारदाताहरूले एकैपटक ३७ लाखभन्दा बढी जोबसीकरसम्म पहुँच पुर्याउन सक्नेछन्।
AI प्रविधिबाट छिटो र सही छनोट कुमारी जोबले आफ्नो प्रणालीमा OpenAI र Google Gemini जस्ता अत्याधुनिक AI प्रविधिहरू समावेश गरेको छ। यसले रोजगारदातालाई विज्ञापन खोलेर आवेदनको पर्खाइमा बस्नुपर्ने बाध्यता हटाइदिएको छ। अब रोजगारदाताले:
- साधारण भाषामा आफ्ना आवश्यकता लेखेर database बाट मिल्दो बायोडाटा (CV) खोज्न सक्नेछन्।
- AI ले जोब विवरण (Job Description) सँग सीभी तुलना गरी प्रारम्भिक छनोट (Screening) गरिदिनेछ।
- AI ले नै कुन उम्मेदवार कुन पदका लागि कति उपयुक्त छ भन्ने सङ्क्षिप्त विवरण तयार पारिदिनेछ।
एउटै प्लेटफर्मबाट सम्पूर्ण भर्ना प्रक्रिया कुमारी जोबको ATS मार्फत रोजगारदाताले उम्मेदवार खोज्ने, आवेदन हेर्ने, प्रारम्भिक छनोट गर्ने, सर्टलिस्ट बनाउने, अन्तर्वार्ता मिलाउने र अन्तिम भर्नासम्मा सम्पूर्ण कार्य एउटै थलोबाट सञ्चालन गर्न सक्नेछन्। यसबाहेक, ‘ट्यालेन्ट पुल म्यानेजमेन्ट’ सुविधामार्फत भविष्यका लागि आवश्यक जनशक्ति ट्याग गरेर सुरक्षित राख्न सकिने व्यवस्था पनि गरिएको छ।
कुमारी जोबका प्रबन्ध निर्देशक सन्देश भण्डारीका अनुसार, “हामी कुमारी जोब ATS लाई खाली जागिरको सूचना राख्ने ठाउँमा मात्र सीमित राख्न चाहँदैनौँ। रोजगारी दिने क्षेत्रमा प्रविधिको प्रयोग द्रुत गतिमा बढिरहेको छ। लिङ्क्डइनसँगको यो सहकार्यले नेपाली व्यवसायहरूलाई जनशक्ति चयनमा थप प्रभावकारी बनाउनेछ।”
सन् २०१४ मा स्थापना भएको कुमारी जोबले नेपालमा एचआर आउटसोर्सिङ, कन्सेल्टिङ, तालिम तथा रोजगारी सम्बन्धी सेवाहरू प्रदान गर्दै आइरहेको छ।
www.kumarijob.com
