काठमाडौँ। नेपालका लागि म्याक्सस सवारीसाधनको आधिकारिक आयातकर्ता तथा वितरक हिमालय अर्गनाइजेसन अन्तर्गतको हिमालय मोट्रक्स प्रालिले नयाँ, शक्तिशाली र प्रिमियम इलेक्ट्रिक फोर-ह्विल ड्राइभ (4WD) पिकअप ‘म्याक्सस ई-टेरोन ९ कम्फर्ट’ (Maxus eTerron 9 Comfort) नेपाली बजारमा सार्वजनिक गरेको छ।
कम्पनीले यस अत्याधुनिक पिकअपको विशेष सुरुवाती मूल्य ८८ लाख रुपैयाँ तोकेको छ। यो आकर्षित मूल्य पहिलो ५० जना ग्राहकहरूका लागि मात्र लागू हुने कम्पनीले जनाएको छ।
शक्तिशाली प्रदर्शन, लामो रेन्ज, उच्च सुरक्षा र व्यावहारिक प्रयोगलाई ध्यानमा राखेर तयार पारिएको यो गाडी दैनिक यात्रा, लामो दूरीको ड्राइभ, आउटडोर एड्भेन्चर तथा व्यावसायिक प्रयोगका लागि उत्कृष्ट विकल्प बन्ने विश्वास लिइएको छ।
म्याक्सस ई-टेरोन ९ कम्फर्टमा १०२.२ kWh क्षमताको ब्याट्री जडान गरिएको छ, जुन हालसम्म नेपालमै उपलब्ध सवारीसाधनहरूमध्ये सबैभन्दा ठूलो क्षमताको ब्याट्री प्याक हो।
- एकल चार्ज रेन्ज: एकपटक पूर्ण चार्ज गर्दा एनईडीसी (NEDC) मापदण्ड अनुसार ५६० किलोमिटरसम्म रेन्ज दिन्छ।
- फास्ट चार्जिङ: यसले ११५ kW सम्मको DC फास्ट चार्जिङ सपोर्ट गर्छ, जसबाट मात्र ४२ मिनेटमा ब्याट्री २०% बाट ८०% सम्म चार्ज गर्न सकिन्छ।
गाडीमा अगाडि १२५ kW र पछाडि २०० kW क्षमताका दुईवटा इलेक्ट्रिक मोटरहरू रहेका छन्, जसले संयुक्त रूपमा ७०० Nm को अधिकतम टर्क उत्पादन गर्छन्।
- गति: यो गाडीले केवल ५.८ सेकेन्डमै ० देखि १०० किमी/घण्टाको गति समात्न सक्छ भने यसको अधिकतम गति १९० किमी/घण्टा रहेको छ।
- अफ-रोडिङ क्षमता: उच्च हिमाली क्षेत्र, हिलो तथा ढुङ्गे सडकहरूका लागि यसमा अल-टेरेन सिस्टम (ATS) दिइएको छ। यो गाडी ५४५ मिमि गहिराइसम्मको पानीमा सहजै चल्न सक्छ। यसको एप्रोच एंगल २९ डिग्री र डिपार्चर एंगल २५ डिग्री रहेको छ।
- लोड तथा टोइङ क्षमता: गाडीले १,०५० केजीसम्म सामान बोक्न सक्छ भने यसको ब्रेकसहितको टोइङ क्षमता ३,५०० केजी रहेको छ।
पाँचजना यात्रुका लागि अत्यन्तै फराकिलो र आरामदायी बनाइएको क्याबिनमा आधुनिक प्रविधिको उच्च प्रयोग गरिएको छ:
- डबल स्क्रिन: १२.३ इन्चको डिजिटल इन्स्ट्रुमेन्ट क्लस्टर र १२.३ इन्चकै सेन्ट्रल टचस्क्रिन।
- इन्फोटेनमेन्ट र कम्फर्ट: एप्पल कारप्ले र एन्ड्रोइड अटो, अटोमेटिक एसी, ६-वे एड्जस्टेबल इलेक्ट्रिक ड्राइभर सिट, र मल्टिफङ्क्सन माइक्रोफाइबर लेदर स्टेयरिङ ह्विल।
- थप सुविधाहरू: कि-लेस इन्ट्री तथा पुश स्टार्ट, अटोमेटिक हेडलाइट र वाइपर, रियर एसी भेन्ट, र बाह्य विद्युतीय उपकरण चलाउन मिल्ने भेहिकल-टु-लोड (V2L) प्रणाली।
सुरक्षाका दृष्टिकोणले म्याक्सस ई-टेरोन ९ कम्फर्टले प्रतिष्ठित Euro NCAP बाट फाइभ-स्टार (5-Star) सुरक्षा रेटिङ प्राप्त गरेको छ। नेपालमा आयातित थोरै मात्र सवारी साधनहरूले यस्तो उच्च सुरक्षा मानक हासिल गरेका छन्।
यस्तै, नेपालको भौगोलिक अवस्थालाई ध्यानमा राख्दै यसमा डबल विशबोन फ्रन्ट सस्पेन्सन र मल्टी-लिङ्क इन्डिपेन्डेन्ट रियर सस्पेन्सन दिइएको छ, जसले कच्ची सडकमा पनि स्थिर र आरामदायी यात्रा गराउँछ।
हिमालय मोट्रक्सले गाडीको बिक्रीपछिको सेवा (After-Sales Service) लाई ध्यानमा राख्दै देशका ६ प्रमुख सहरहरूमा सर्भिस आउटलेटहरू सञ्चालनमा ल्याइसकेको जानकारी दिएको छ।
