काठमाडौँ, २९ जेठ नेपालमा चार्जिङ र अडियो प्रविधिका अग्रणी ब्रान्डहरू एङ्कर (Anker) र साउन्डकोर (Soundcore) ले आफ्नो देशव्यापी ग्राहक अभियान ‘एङ्कर पावर हंगामा २०२६’ का विजेताहरूको घोषणा गरेका छन्। काठमाडौँको हात्तीसारस्थित अरण्य बुटिक होटलमा आयोजित एक विशेष समारोहका बीच अभियानको समापन गर्दै भाग्यशाली ग्राहकहरूलाई पुरस्कृत गरिएको हो।
विजेताहरूको छनोट पारदर्शी रूपमा ‘लक्की ड्र’ मार्फत गरिएको कम्पनीले जनाएको छ। उक्त समापन कार्यक्रममा देशैभरिका खुद्रा विक्रेता, आधिकारिक वितरक, सरोकारवाला तथा सञ्चारकर्मीहरूको बाक्लो उपस्थिति रहेको थियो।
कार्यक्रममा सेलुसिभ इन्टरनेसनल प्रा.लि.का निर्देशक अनमित्रले एङ्कर र साउन्डकोरका उत्पादनहरूमाथि विश्वास गर्ने नेपाली ग्राहकहरूलाई धन्यवाद दिन र उनीहरूलाई प्रोत्साहन गर्न यो अभियान आयोजना गरिएको बताए।
“यस अभियानको सफलताले हाम्रा ग्राहकहरूसँगको सम्बन्धलाई अझ प्रगाढ बनाएको छ,” निर्देशक अनमित्रले भने, “साथै हाम्रा आधिकारिक विक्रेताहरूको व्यवसाय प्रवर्द्धनमा पनि यसले महत्त्वपूर्ण भूमिका खेलेको छ। अभियान सफल पार्न सहयोग गर्नुहुने सम्पूर्ण ग्राहकवर्ग, खुद्रा विक्रेता र वितरकहरूप्रति हामी आभारी छौँ।”
यो मेगा अभियान दुई चरणमा सञ्चालन भएको थियो। पहिलो चरण सन् २०२५ डिसेम्बर १ देखि २०२६ जनवरी ३१ सम्म र दोस्रो चरण सन् २०२६ मार्च १ देखि अप्रिल ३० सम्म चलेको थियो। एङ्करका आधिकारिक स्टोरहरू वा अनलाइन प्लेटफर्म ‘दराज’ मार्फत रू. ३,००० भन्दा बढीको खरिद गर्ने ग्राहकहरू यस योजनामा सहभागी हुन योग्य भएका थिए।
अभियानअन्तर्गत एक जना भाग्यशाली विजेताले बम्पर पुरस्कारस्वरूप ‘डोङफेङ नाम्मी बक्स’ (Dongfeng Nammi Box) इलेक्ट्रिक कार प्राप्त गरेका छन्। यसका साथै अन्य विजेताहरूका लागि निम्न आकर्षक पुरस्कारहरूको घोषणा गरिएको छ:
- बम्पर पुरस्कार: १ थान डोङफेङ नाम्मी बक्स कार
- मोटरसाइकल: २ थान रोयल एनफिल्ड हन्टर ३५० बाइक
- सुनको सिक्का: ३ थान सुनका सिक्काहरू
- अन्तर्राष्ट्रिय भ्रमण: २ जोडीका लागि थाइल्याण्ड भ्रमण प्याकेज
- घरायसी उपकरण: २ थान वासिङ मेसिन
विजेताहरूको कुपन नम्बर आधिकारिक रूपमा घोषणा भइसकेको र नियमअनुसार आवश्यक प्रमाणीकरण (Verification) पछि कम्पनीले उनीहरूलाई सिधै सम्पर्क गर्ने जनाएको छ।
नेपाली बजारमा आधिकारिक च्यानलमार्फत गुणस्तरीय र भरपर्दो उत्पादनहरू उपलब्ध गराउँदै आएको एङ्कर र साउन्डकोरले आगामी दिनमा पनि यस्तै उपभोक्ताकेन्द्रित र उत्साहजनक अभियानहरू निरन्तर ल्याउने प्रतिबद्धता जनाएका छन्।
