जेठ २७, काठमाडाैं ।
इरानी हर्मुज जलघाँटी मा अमेरिकी सैन्य हेलिकप्टर खसालिएपछि दुई देशबिचको तनावले उग्र रूप लिएको छ। अमेरिकाले मङ्गलवारदेखि इरानका विभिन्न रणनीतिक ठेगानाहरूमा तेस्रो चरणको हवाई आक्रमण तीव्र पारेको छ।
अमेरिकी सेन्ट्रल कमाण्ड ले उक्त क्षेत्रमा आफ्ना युद्धक विमानहरूले ‘प्रतिरक्षात्मक’ बमबारी गरिरहेको दाबी गरेको छ।
यसैबिच, अमेरिकी आक्रमणको कडा प्रतिवाद गर्दै इरानले आफ्नो सार्वभौमिकतामाथि हुने जस्तोसुकै हस्तक्षेपको कडा जवाफ दिने चेतावनी दिएको छ। इरानी अधिकारीहरूले यदि इरानमाथि थप आक्रमण गरिए अरब क्षेत्रमा रहेका सम्पूर्ण अमेरिकी सैन्य बेसहरू सधैँका लागि ध्वस्त पारिदिने धम्की समेत दिएका छन्।
इरानको इस्लामिक रिभोलुसनरी गार्ड कर्प्सले आफ्नो तटीय क्षेत्रमा भएका क्षतिहरूको पुष्टि गर्दै अमेरिकी आक्रामकताको बदला लिन सुरु गरिसकेको दाबी गरेको छ।
दुई देशबिच सिधा सैन्य भिडन्त सुरु भएपछि विगत केही महिनादेखि कायम रहेको अस्थायी युद्धविराम भङ्ग हुने सङ्केत देखिएको छ। यस संवेदनशील घटनाले मध्यपूर्वमा पुनः ठूलो युद्ध निम्तिन सक्ने भन्दै सर्वत्र चिन्ता र चासो व्यक्त गर्न थालिएको छ। विश्वको प्रमुख तेल आपूर्ति मार्गमै युद्ध चर्किएपछि अन्तर्राष्ट्रिय बजारमा इन्धन सङ्कट थप गहिरिने अनुमान गरिएको छ।
