काठमाडौं । सीजी मोटर्सले काठमाडौंको थापाथलीमा AION को नयाँ फ्ल्यागशिप शोरुम उद्घाटन गरेको छ । कम्पनीका अनुसार उक्त शोरुम उद्घाटनले नेपालमा स्मार्ट, स्वच्छ तथा प्रिमियम विद्युतीय मोबिलिटी प्रवर्द्धन गर्ने अभियानलाई थप मजबुत बनाएको छ । शोरुमको उद्घाटन Nirvana Chaudhary तथा GAC International र GAC AION का प्रतिनिधि Raymon Wong ले संयुक्त रूपमा गरेका हुन् ।
कार्यक्रममा बोल्दै CG Motors ले यो केवल शोरुम उद्घाटन मात्र नभई नेपालमा स्मार्ट र प्रिमियम EV मोबिलिटीको नयाँ अध्याय सुरु भएको जनाएको छ । कम्पनीले नयाँ शोरुममार्फत नेपाली बजारमा तीव्र गतिमा विस्तार भइरहेको EV क्षेत्रमा आफ्नो उपस्थिति थप सशक्त बनाउने लक्ष्य राखेको छ ।
कम्पनीका अनुसार AION का SUV मोडलहरू अन्तर्राष्ट्रिय बजारमा समेत लोकप्रिय छन् । नेपालमा उपलब्ध AION V लाई प्रिमियम तथा शक्तिशाली इलेक्ट्रिक SUV का रूपमा प्रस्तुत गरिएको छ । यसमा ७५.३ kWh ब्याट्री जडान गरिएको छ, जसले एकपटक चार्जमा ६५० किलोमिटरसम्म (NEDC) रेन्ज दिने कम्पनीको दाबी छ ।
त्यस्तै, १०० kW मोटर, २४० Nm टर्क र १८५ mm ग्राउन्ड क्लियरेन्ससहितको यो गाडी शहरी तथा लामो दूरीको यात्राका लागि उपयुक्त रहेको कम्पनीले जनाएको छ । यसैगरी AION Y लाई पारिवारिक प्रयोगका लागि उपयुक्त, स्टाइलिस र सहज EV का रूपमा बजारमा ल्याइएको कम्पनीको भनाइ छ ।
CG Motors ले हाल नेपालभर २६० भन्दा बढी स्थानमा चार्जिङ सेवा उपलब्ध गराउँदै आएको र आगामी दिनमा चार्जिङ नेटवर्क थप विस्तार गर्ने योजना सार्वजनिक गरेको छ । कम्पनीले AION Y र AION V सम्बन्धी विस्तृत जानकारी तथा टेस्ट ड्राइभका लागि ग्राहकलाई थापाथलीस्थित नयाँ फ्ल्यागशिप शोरुम भ्रमण गर्न आग्रह गरेको छ ।
