फागुन २२, काठमाडौँ । देशभरका विभिन्न निर्वाचन क्षेत्रहरूबाट प्राप्त प्रारम्भिक मत परिणाममा राष्ट्रिय स्वतन्त्र पार्टी रास्वपाले उत्साहजनक अग्रता हासिल गरेको छ ।
घण्टी चुनाव चिन्ह लिएर मैदानमा उत्रिएका रास्वपाका उम्मेदवारहरूले सहरी क्षेत्र मात्र नभई देशका अन्य रणनीतिक क्षेत्रहरूमा पनि परम्परागत शक्तिहरूलाई कडा टक्कर दिँदै अग्रस्थान ओगटेका हुन ।
प्रमुख सहरहरूमा रास्वपाको अग्रता
झापा ५ मा एमालेका अध्यक्ष तथा पूर्वप्रधानमन्त्री केपी शर्मा ओलीलाई दोब्बर मतले रास्वपाका नेता बालेन्द्र शाह अगाडी रहेका छन् ।
काठमाडौँका अधिकांश निर्वाचन क्षेत्रहरूमा रास्वपाका उम्मेदवारहरूले भारी मतान्तरले अग्रता लिइरहेका छन । त्यस्तै, चितवन, पोखरा र रूपन्देही जस्ता ठुला सहरहरूमा पनि
रास्वपाको पक्षमा जनलहर देखिएको छ । निर्वाचन आयोगको पछिल्लो तथ्याङ्क अनुसार काठमाडौँ क्षेत्र नं २, ६, ७ र ८ मा रास्वपाका उम्मेदवारहरू स्पष्ट अग्रतामा छन ।
यस्तै चितवन क्षेत्र नं. २ मा रास्वपाका सभापति रवि लामिछानेले सुरुवाती चरणदेखि नै अग्रता कायम राखेका छन ।
ललितपुर र भक्तपुरका केही क्षेत्रमा पनि रास्वपा र पुराना दलहरूबीच कडा प्रतिस्पर्धा देखिएको छ ।
