उर्जामन्त्री कुलमान घिसिंगको उ‌द्योगविरोधी प्रतिशोधात्मक राजनीति र अर्थमन्त्री रामेश्वर खनालको राष्ट्रिय ढुकुटी रित्याउने नीति रहेको नेपाल लिबरल पार्टीको निकर्ष

काठमाडौं । कार्तिक १६, उर्जामन्त्री कुलमान घिसिंगको उ‌द्योगविरोधी प्रतिशोधात्मक राजनीति र अर्थमन्त्री रामेश्वर खनालको राष्ट्रिय ढुकुटी रित्याउने नीति रहेको नेपाल लिबरल पार्टीको निकर्ष निकालेको आज काठमाडौंमा आयोजीत पत्रकार सम्मेलन मार्फत लिबरल पार्टीका सभापति डा. गोपीलाल न्यौपानेले जानकारी गराउनु भयो ।
अध्यक्ष न्यौपानेले जेन(जीको सहयोग र समर्थनमा बनेको प्रधानमन्त्री सुशीला कार्कीको नेतृत्वको मन्त्रिमण्डलका उर्जामन्त्री श्री कूलमान घिसिंगले बदनियतपूर्ण तरिकाले प्रतिशोध साध्न लुम्बिनी प्रदेशका केही उ‌द्योगहरूको बिजुलीको लाइन काट्‌ने कार्यले उ‌द्योगधन्दा बन्द भएका, बिसौं हजार मजदुरहरू प्रत्यक्ष रूपमा बेरोजगार भएका, अरबौंको आयात बढेको मात्र नभई बेरोजगारी बढ्दा उत्पन्न हुने अशान्ति र अराजकताले समाज झन् आक्रान्त पार्ने नियोजित ढंगले देशको अर्थतन्त्र ध्वस्त पारेर आफ्नो तलब-भत्ता सुरक्षित गर्ने निकृष्ट कर्मचारी सोचले ग्रसित उर्जामन्त्रीको यस्तो वदनियतपूर्ण कार्यका कारण लिबरल पार्टी घोर भर्त्सना र विरोध गर्दछौं भनि पत्रकार सम्मेलन मार्फत जानकारी गराउनु भयो ।
अध्यक्ष न्यौपानेले अर्थमन्त्री रामेश्वर खनालले सरकारको ढुकुटीबाट आन्दोलनका क्रममा जलेका निजी प्रतिष्ठानहरुलाई इन्स्योरेन्सले कभर गर्न नसकेको दाबी रकम सरकारले तिर्ने गरी गरिएको भनिएको निर्णयले हामी उदारवादीहरू स्तब्ध भएको र सार्वजनिक कोषकालागि जम्मा भएको कर निजी प्रयोजनका लागि दिनु सरकारमा बसेर सरकारी ढुकुटी लुट्नु हो। यो लुटपाट तुरुन्त बन्द गर्न अर्थमन्त्री खनाललाई आग्रह गर्दछौं भनि भनिएको छ ।