काठमाडौं । आगामी प्रतिनिधि सभा निर्वाचनको तयारी स्वरूप सरकारले पहिलो पटक राजनीतिक दल र जेनजी पुस्ताका प्रतिनिधिसँग संयुक्त वार्ता गर्ने भएको छ ।
सरकारले आज (बुधबार) अपराह्न ४ बजे प्रधानमन्त्री निवास बालुवाटारमा त्रिपक्षीय बैठक आयोजना गरेको हो । बैठकमा निर्वाचनका लागि अनुकूल वातावरण बनाउने विषयमा छलफल हुनेछ ।
यसअघि ४ कात्तिकमा प्रधानमन्त्री सुशीला कार्कीको आह्वानमा सर्वदलीय बैठक बसेको थियो । जसमा निर्धारित समयमा निर्वाचन सम्पन्न गर्न सबै पक्ष सकारात्मक देखिएका थिए ।
