“७ दिनभित्र सबै राजनीतिक संकेत, झन्डा, पोस्टर र तस्बिर हटाऊ — नभए जनकारबाही हुनेछ”- जेनजी सह- सयोजक शाहि
काठमाडौं, असोज २५राज्य संयन्त्रभित्र वर्षौंदेखि जरा गाडेको राजनीतिक हस्तक्षेप, दलीय कब्जा र प्रशासनिक दुरुपयोग अन्त्य गर्न भन्दै जेन–जी सरकारले ऐतिहासिक अभियान सुरु गरेको छ। यस अभियानअन्तर्गत सरकारका तर्फबाट जारी गरिएको सूचनामा भनिएको छ — “सात दिनभित्र सम्पूर्ण सरकारी कार्यालय, निकाय, स्वायत्त संस्था र सार्वजनिक संस्थानमा रहेका राजनीतिक दलका तस्बिर, झन्डा, पोस्टर, संकेत र ट्रेड युनियनसँग सम्बन्धित प्रचार–सामग्रीहरू अनिवार्य रूपमा हटाउनुपर्नेछ।”
सूचनामा भनिएको छ, “देशमा बिधिको शासन, सुशासन र निष्पक्ष प्रशासनिक सेवा प्रवाह सुनिश्चित गर्न यो कदम अत्यावश्यक बनिसकेको छ। राज्यका कार्यालयहरू जनताको सेवाका लागि खोलिएका हुन्, कुनै दल, व्यक्ति वा संगठनका प्रचारकेन्द्र होइनन्।”
यो अभियानलाई “राजनीतिक प्रभावमुक्त प्रशासन” निर्माणको पहिलो चरणका रूपमा लिइएको बताइन्छ। जेन–जी सरकारले प्रशासनभित्र व्याप्त दलियकरण, नेताका फोटो टाँस्ने संस्कार र ट्रेड युनियनको नाममा हुने प्रभाव–व्यापार समाप्त गर्ने दृढ अठोट लिएको छ।
सूचनामा थप भनिएको छ,
> “यदि तोकिएको समयभित्र उक्त सामग्रीहरू हटाइएन भने, त्यसलाई बिधिको उल्लङ्घन र प्रशासनिक दुरुपयोगको रूपमा लिइनेछ, र त्यसविरुद्ध जनताको प्रत्यक्ष कारबाही अवश्यम्भावी हुनेछ।”
