काठमाडौं । अन्तरिम सरकारको प्रधानमन्त्री चयनसम्बन्धी राष्ट्रपति निवासमा आज बिहान ९ बजेका लागि तय गरिएको बहुपक्षीय छलफल केही घण्टाका लागि सारिएको छ ।
राष्ट्रपतिसँग समन्वयमा रहेका स्रोतका अनुसार वार्तामा सहभागी पक्षहरूले आ–आफ्नो आन्तरिक तयारी र परामर्श आवश्यक ठानेपछि छलफलको समय पछि सारिएको हो ।
राष्ट्रपति रामचन्द्र पौडेलले गएराति अबेरसम्म पनि राजनीतिक दलका नेताहरू, नागरिक आन्दोलनका प्रतिनिधिहरू र संवैधानिक विज्ञहरूसँग लगातार परामर्श गरिरहेका थिए ।
