काठमाडौं । सरकारको गलत गतिविधि र भ्रष्टाचारविरुद्ध जेन जी पुस्ताले भोली काडमाडौं सहितका शहरमा प्रदर्शन गर्ने भएका छन् ।
नेताहरुको आलिसान जिवनशैली जनतालाई सधैको सास्ती, हाम्रो भविष्य बर्बाद नगर भन्ने नाराका साथ उनिहरुले प्रदर्शन गर्न लागेका हुन ।
सरकारले एकपछि अर्को निर्णय मार्फत जनताको विश्वाय गुमाउदै गएको उनिहरुको आरोप छ ।
सरकारले विभिन्न निकायमा हुने भ्रष्टाचार नियन्त्रण गर्न नसकेको फेसबुक लगायतका सामाजिक सञ्जालमाथि बन्देज लगाइ अधिनायक शासन लाद्न खोजेको युवा पुस्ताको आरोप छ ।
सरकारले फेसबुक सहितका चर्चित सामाजिक सञ्जाल बन्द गरी अभिव्यक्ति स्वतन्त्रतामाथि नियन्त्रण गरेको भनेर चौतर्फी विरोध भएको छ । सरकारको उक्त निर्णयप्रति आइतबार नगरिक समाजका प्रतिनिधि र पत्रकारहरुले काठमाडौंको माइतिघरमा विरोध प्रदर्शन गरेका छन् ।
