काठमाडौं । पशुपति क्षेत्र विकास कोषले सनातन हिन्दुनारीहरुको पर्व हरितालिका तीजको तयार पुरा गरेको जनाएको छ ।
कोषले आइतबार पत्रकार सम्मेलन गरी तीजका अवसरमा पशुपतिनाथको दर्शनाथ एवं पूजा गर्न चाहानेहरु लागि सम्पूर्ण तयारी पुरा गरेको जनाएको छ ।
तिजको दिन भदौ १० गते विहान ३ः०० बजेदेखि नै पशुपतिनाथ मन्दिरका चार वटै ढोका खोल्ने व्यवस्था मिलाइएको कोषले जनाएको छ । पशुपतिनाथको मन्दिरमा गरिने श्रीयन्त्र पूजाको समयमा समेत सकेसम्म जारीराखी वाहिरबाटै दर्शन गर्न सक्ने गरी व्यवस्था मिलाएको छ । यसवर्ष हरितालिका तीजका दिनमा कुनैपनि प्रकारको विशेष पूजा र पासको व्यवस्था नगरिएको कोषले स्पष्ट पारेको छ ।
दर्शनार्थीको सहज व्यवस्थापन गर्न कोष अन्तर्गतको संस्कृति संरक्षण महाशाखा सहति पशुपति क्षेत्र विकास कोष जिम्मेवार रहने गरी चार वटै दर्शन मार्गको लाईनलाई व्यवस्थित गर्न हरेक लाईनमा कोषका कर्मचारीहरु सिफ्टमा मिलाई अनुगमन सहित सहजीकरण गर्ने व्यवस्था मिलाइएको जनाएको छ ।
भक्तजनको सुरक्षा, स्वयंसेवा, चन्दनप्रसादको व्यवस्था, दर्शनमार्गको व्यवस्था एवं सुधार, जुत्ताचप्पल राख्ने ठाउँको व्यवस्था, आकस्मिक स्वास्थ्यसेवा, उपासना सहितको मनोरञ्जनात्मक गीत, सङ्गीत भजन किर्तन, दिपावली, व्रतालुहरुको गौदान गर्ने स्थानको व्यवस्था जस्ता कार्यक्रमहरुलाई सहज रुपमा सम्पन्न व्यस्थापन गर्ने कार्य तिब्र नाएको छ ।
श्रीपशुपतिनाथको दर्शन गर्न आउने दर्शनार्थीहरुको सुविधाका वाहिरी रुपमा चार ठाउबाट दर्शन लाईन गर्ने व्यवस्था व्यवस्था मिलाएको छ ।
दर्शनका लागि व्यवस्था गरिएका ५ मार्गहरु
गौरीघाट–उमाकुण्ड–दक्षिणामूर्ति–रुद्रगाडेश्वर–वासुकी हुँदै उत्तरढोकाबाट मन्दिर प्राङ्गण प्रवेश गरी पश्चिम मूलढोकाबाट वाहिरी निस्किएर कैलाश दक्षिण जुत्ताचप्पल कक्षबाट जुत्ताचप्पल लिई फर्कने व्यवस्था मिलाइएको छ ।
मित्रपार्क–जयवागेश्वरी–पाचागणेश–भिमसेनस्थान–भूवनेश्वरी–शंकराचार्य मठ दक्षिण हुँदै फलामे पुल पश्चिम सानो ढोकाबाट मन्दिर प्राङ्गण प्रवेश गरी पश्चिम मूलढोका हुँदै वाहिरीने र शंकराचार्य मठ दक्षिण जुत्ताचप्पल कक्षबाट जुत्ताचप्पल लिई फर्कने व्यवस्था मिलाइएको छ ।
पिंगलास्थान–चारशिवालय–पञ्चदेवल–बज्रघर–दक्षिण ढोकासम्मको लाईनलाई कोटिलिङ्गेश्वर मन्दिर छेउँको सानो ढोकाबाट मन्दिर प्राङ्गण प्रवेश गरी दक्षिण ढोका हुँदै वाहिरीने र पञ्चदेवल पूर्व अस्थायी रुपमा निर्माण गरिएको जुत्ताचप्पल कक्षबाट जुत्ताचप्पल लिई फर्कने व्यवस्था मिलाइएको छ ।
तिलगङ्गा–राम मन्दिर हुँदै वागमती नदी पूर्व किनार हुँदै आर्यघाट नजीकको पुल तरेर श्रीपशुपतिनाथ मन्दिरको पूर्व ढोकाबाट प्रवेश गरी पूर्व ढोकाबाटै वाहिरीने र आर्यघाट नजीकको पुलसँगैको अस्थायी जुत्ताचप्पल कक्षबाट जुत्ताचप्पल लिई फर्कने व्यवस्था मिलाइएको छ ।
टलिङ्गेश्वर मन्दिर छेउँको सानो ढोकाबाट मन्दिर प्राङ्गण प्रवेश गरी दक्षिण ढोका हुँदै वाहिरीने र पञ्चदेवल पूर्व अस्थायी रुपमा निर्माण गरिएको जुत्ताचप्पल कक्षबाट जुत्ताचप्पल लिई फर्कने व्यवस्था मिलाइएको छ ।
दर्शनार्थिको सुरक्षाका लागि नेपाल प्रहरीका साथै सशस्त्र प्रहरी बल नेपाल परिचालन गरी सुरक्षा प्रवन्ध मिलाइएको छ । आवश्यकता अनुसार नेपाली सेनाको पनि सहयोग लिइनेछ । साथै राष्ट्रिय अनुसन्धान विभागका जनशक्तिहरुको पनि मेला क्षेत्रमा पर्याप्त अनुगमनको व्यवस्था मिलाइएको छ ।
मेला क्षेत्रमा पाकेटमारी र अनियमित क्रियाकलाप हुन नदिन सादा पोशाकमा प्रहरी खटाई पर्वको २ दिन अगाडी देखिनै त्यस्ता क्रियाकलापमा संकास्पद व्यक्तिहरुलाई नियन्त्रणमा लिई राख्ने व्यवस्था मिलाइएको छ ।
