काठमाडौं । सरकारले तीनवटा निर्माण व्यवसायी/आपूर्तिकर्ता कम्पनीलाई कालोसूचीमा राखेको छ ।
प्रधानमन्त्री तथा मन्त्रिपरिषद कार्यालय मातहको सार्वजनिक खरिद अनुगमन कार्यालयले दुईवटा विदेशी र एउटा नेपाली निर्माण कम्पनीलाई कालोसूचीमा राखेको हो ।
सोमबारको निर्णयानुसार सार्वजनिक खरिद ऐन, २०६३ बमोजिम ती कम्पनीलाई कालोसूचीमा राखिएको कार्यालयले जनाएको छ ।
कालोसूचीमा पर्नेमा जापानको मरुशिन शिताका कन्स्ट्रक्शन, भारतको पीएच–एसएमएनएस जेभी र नेपालको शङ्करमाली निर्मान सेवा छन् ।
मरुशिन र पीएच–एसएमएनएसलाई दुई वर्ष र शङ्करमालीलाई एक वर्ष ६ महिनाका लागि कालोसूचीमा राखिएको हो ।
कालोसूचीमा परेका कम्पनीहृले तोकिएको अवधिभर सार्वजनिक निकायका कुनै पनि खरिद कारबाहीमा भाग लिन पाउने छैनन् ।
