काठमाडौं । जेठ १३ गते तय गरिएको प्रतिनिधि सभाको बैठक केही समय बसेर स्थगित भयो । सभामुखले पटकपट प्रयास गर्दासमेत प्रतिपक्षदलले गरेको अवरोधका कारण बैठक बस्ने सकेन ।
केही समय खुलेको सदनमा प्रतिपक्ष दलका नेताहरुले गृहमन्त्रीको राजीनामा माग्नुका साथै भिजा सेटिङ प्रकरणमा गृमनन्त्रीमाथि नै छानविन हुनुपर्ने माग राखे ।
त्रिभुवन अन्तराष्ट्रिय विमानस्थल अध्यागमन कार्यालयमा हुनेगरेको सेटिङमा गृहमन्त्री जोडिएको भन्दै चौतर्फी आवाज उठिरहदा प्रतिपक्षले संसद बैठक अवरुद्ध गर्नुका साथै गृहमन्त्री रमेश लेखकको राजीनामा मागेका हुन ।
अख्तियार दुरुपयोग अनुसन्धान आयोगले केहीदिन अघिमात्र त्यहा कार्यरता सहसचिव तिर्थराज भट्टराइ सहितका कर्मचारीमाथि अनुसन्धान गरिरहेको छ ।
गृहमन्त्रालयकै संरक्षणमा सेटिङ हुनेगरेको भन्दै गृहमन्त्रीमाथि नै अनुुसन्धान हुनुपर्ने भन्दै माग प्रतिपक्षले राखेको छ ।
जेठ १५ गते सरकारले ल्याउन लागेको आर्थिक वर्ष २०८२÷८३ को बजेट अधिवेशन चलिरहदा प्रतिपक्षले सदन अवरोध गर्दा बजेट कार्यक्रममा प्रभाव पर्ने सम्भावना देखिएको छ ।
