काठमाडाैं । नवनियुक्त प्रहरी महानिरीक्षक दिपक थापाले कार्यभार सम्हालेका छन् । मंगलबार गृह मन्त्रालयमा दर्ज्यानी चिह्न ग्रहण समारोहमा सम्बोधन गर्दै उनले पदीय जिम्मेवार वहन गर्दै सशक्त प्रस्तुत हुने बताएका छन् ।
प्रहरी महानिरीक्षकको जिम्मेवारी पाउँदा गम्भिर जिम्मेवारीवोध भएको भन्दै उनले कसैप्रति पूर्वाग्रह नराखी निष्पक्षताका साथ सेवा गर्ने प्रतिबद्धता जनाएका छन् ।
प्रहरी संगठनलाई नागरिकमैत्री बनाउन सहयोग पाइराख्ने उनले विश्वास व्यक्त गरे । उनलाई सोमबार बसेको मन्त्रिपरिषद बैठकले प्रहरी महानिरीक्षक पदमा नियुक्त गरेको थियो ।
मंगलबार बिहान गृह मन्त्रालयका सचिव गोकर्णमणि दुवाडीले थापालाई दर्ज्यानी चिह्न लगाइदिए । उनले आजै प्रहरी प्रधान कार्यालय नक्शाल गएर पदभार ग्रहण गर्नेछन् ।
