काठमाडौं । डिजिटल वालेट ‘खल्ती’ले माघ १३ गते (२६ जनवरी २०२५) बाट ८ औँ वर्ष पूरा गरेको छ । सोही अवसरमा ‘सेलिब्रेटिनगा जीआर८ इयर्स’ थिम राखी आफ्नो आठौँ वार्षिकोत्सव मनाइरहेको छ ।
२०१७ बाट नेपालीहरू माझ मोबाइल टपअप अनि बिल भुक्तानी जस्ता सुविधाबाट सुरुवात भएको खल्तीको डिजिटल रूपान्तरण यात्रा २०२५ सम्म आइपुग्दा निकै नै इनोभेटिभ र उत्साहजनक देखिन्छ।
विभिन्न युवा मैत्री मनोरञ्जन, कन्सर्ट, खेलकुद र रियालिटी सोहरूका लागि लोकप्रिय ‘खल्ती’ ईभेन्ट टिकटिङ , भोटिङ र मुभि टिकटिङ प्लेटफर्मको रूपमा अग्र स्थानमा छ भन्दा कुनै दुई मत छैन। यी वर्षहरूमा सरकारी सेवा सुविधाको डिजिटल भुक्तानीदेखि लिएर विभिन्न ग्याजेट खरिदको लागि ‘खल्ती मल’ र रेस्टुराँ देखि मनोरञ्जनको एक्सक्लुसिफ डिल रहने ‘प्लेसेस बाई खल्ती’सम्म, खल्तीले आफ्नो डिजिटल सेवा विस्तार गरेको छ र पछिल्लो समय आफ्नो प्रयोगकर्ताहरू माझ विभिन्न इन्स्योरन्स र लगानी जस्ता वित्तिय सेवाहरू ल्याएको छ।
नेपालभर सबै नेपालीहरूका लागि वित्तीय समावेशीकरणको उद्देश्य राखी अगाडि बढिरहेको खल्तीले आफ्नो आठौँ वार्षिकोत्सवको उपलक्ष्यमा डिजिटल नेपालको यस यात्रामा सदैव साथ दिने सम्पूर्ण प्रयोगकर्ता, साझेदार, नियामक निकाय, एजेन्ट, मर्चेन्ट व्यवसायी र खल्ती कर्मचारीहरूलाई आभार व्यक्त गरेको छ।
गत वर्ष जस्तै यस वर्ष पनि लगातार देशकै सबै भन्दा बढी डिजिटल भुक्तानी कारोबार गर्ने भुक्तानी सेवा प्रदायकको रूपमा ‘खल्ती’ एनसीएचएल द्वारा सम्मानित भयो । यसले नास् आइ. टी. अवार्ड साथै अन्य थुप्रै सम्मान र अवार्डहरू हासिल गर्यो।
हालै खल्तीले गुगल प्ले स्टोरमा ५० लाख डाउनलोड पनि पूरा गरेको छ। नेपाल प्रिमियर लिगको टिकटिङ, बाइक सुरक्षा र कार सुरक्षाको सुरुवात, बिगेस्ट पेमेन्ट जात्राको तेस्रो संस्करणको सफलता, रेस्टुराँ देखि मनोरञ्जनको एक्सक्लुसिफ डिल रहने प्लेसेस बाई खल्ती र ग्याजेटहरूका लागि खल्ती मलको स्थापना – यस आठौँ वर्षको प्रमुख बिन्दुहरू रहेको खल्तीले जनाएको छ ।
८ रुपैयाँको अफर: आठौँ वार्षिकोत्सवको उपलक्ष्यमा खल्तीले माघ ०७ देखि १८ गतेसम्म, हरेक सुविधालाई निश्चित समय अवधि तोकेर ८ रुपैयाँमा कफी, स्वास्थ्य सुरक्षा , टपअप, मुभी अनि फ्लाइट अफर ल्याएको छ ।
जसमा पहिलो ८८ हजार ८८८ प्रयोगकर्ताले ८ रुपैयाँ मै कफी पाउनेछन् । त्यसैगरी, पहिलो ८,८८८ प्रयोगकर्तासम्मलाई ८ रुपैयाँमै सुरक्षा मिनी नामक स्वास्थ्य बिमा प्याकेज, ८८८ भाग्यशाली प्रयोगकर्तासम्मलाई ८ रुपैयाँमै ५०० सम्मको टपअप, ८८ भाग्यशाली प्रयोगकर्तालाई ८ रुपैयाँमै मुभी टिकट र ८ भाग्यशाली प्रयोगकर्तालाई ८ रुपैयाँमै फ्लाइट टिकट उपहार दिने खल्तिले जनाएको छ ।
८ रुपैयाँमै कफी प्राप्त गर्न प्रयोगकर्ताहरूले खल्ती एप भित्र ‘ईन्टरटेनमेन्ट’ सेक्सनमा गई ‘प्लेसेस’ भित्र कफीको अफर छनोट गरी आफूलाई पायक पर्ने ठाउँमा ८ रुपैयाँमै कफी अर्डर गर्न सक्नेछन् भने यस अफर माघ १३ देखि १५ सम्मका लागि मान्य रहने खल्तीले जनाएको छ ।
खल्तीले अन्य अफरको लागि आ-आफ्नो समय अवधि र व्यवस्था छुट्टाएको छ । यसका साथै, खल्तीले विभिन्न मर्चेन्टसँग साझेदारी गर्दै खल्ती मल अफर तथा उपहार पनि आफ्नो आठौँ वार्षिकोत्सवको उपलक्षमा उपलब्ध गराएको छ।
खल्तीका प्रमुख कार्यकारी अधिकारी विनय खड्का प्रयोगकर्ताहरूलाई उत्कृष्ट अनुभव प्रदान गर्न प्रतिबद्ध रहेको बताए । खल्ती डिजिटल नेपालको यात्रामा एउटा बिर्सनै नहुने अंश बनेको उनको भनाइ छ । ‘घरै बसी बसी अधिकांश सेवाहरूको भुक्तानी लिन मिल्ने सहज व्यवस्था र आफ्नो इनोभेसनका कारण आज हरेक नेपाली घरमा हामी एक विश्वसनीय ब्रान्डको रूपमा उभिन सफल भएका छौँ’ उनले भने । हामीले निजी क्षेत्रदेखि सरकारी क्षेत्र अनि कन्सर्ट, कमेडी सो देखि खेलकुद सम्म अधिकांश सेवाहरू खल्तीमा उपलब्ध गराएको छ ।
