काठमाडौं । श्री एयरलाइन्सले वोडिङ्ग पास गरी जहाज चढ्न लागेका दशजना यात्रु छोडेर उडेको छ ।
साेमबार काठमाडौंबाट भैरहवा जाने क्रममा २ : ०५ बजेको श्री एयरलाइन्सको यसयचए ८२७ नम्बरको जहाजले यात्रुलाई त्रिभुवन अन्तराष्ट्रिय विमान स्थलमा छोडेर उडान भरेको हो ।
भैरहवा जानेक्रममा निर्धारित समयभन्दा आधा घण्टा अगाडि नै त्रिभुवन अन्तराष्ट्रिय विमालस्थल पुगेकी रञ्जिता महतले सम्पूर्ण सुरक्षा जाँच गरी हवाइजहा चढ्नेबेलामा जहाजले आफुहरुलाई छोडेर गएको बताइन ।
उनले आफ्ना बच्चाको लुगाफाटो सहितको सरसामान भएको झेला जहाजमा गएको तर आफुसहित अन्य दश जना यात्रुलाई छोडेर गएको बताइन । उनले आफुहरुलाई जहाजले छोडेर गएको विषयमा सम्बन्धित निकायमा कुरा गर्द तपाइहरुको जहाज डिले भएको जवाफ दिएको बताइन ।
जबकि उक्त जहाजमा चढ्नका लागि सम्पूर्ण सुरक्षा जाँच गरेर आफ्नो बच्चाको सामान सहितको झोला जहाजमा राखिएको थियो ।
उनि सहित अन्य यात्रुहरु बसबाट झरेर जहाजमा चढ्नै लाग्दा जहाजले छोडेर गएको बताइन । यस विषयमा श्री एयरलाइन्स प्रधान कार्यालय सिनामंगलमा जानकारी लिन खोज्दा आफुहरुलाइ थाहा नभएको भन्दै त्रिभुवन अन्तराष्ट्रिय विमानस्थलमा सम्पर्क गर्न बताए ।
