काठमाडौं । आउदो मंसिर ४ गते हुने प्रतिनिधि सभा र प्रदेश सभा निर्वाचन सफल पार्न निर्वाचन आयोग नेपाल जोडतोडका साथ तयारीमा लागिरहेको छ ।
प्रतिनिधि सभा र प्रदेश सभा सदस्य निर्वाचन पहिलो हुने निर्वाचित हुने निर्वाचन प्रणाली (प्रत्यक्ष) अन्तर्गत उम्मेदवारी मनोनयनपत्र दर्ता गर्न असोज २३ गते तोकिएको छ । सोही अवसरमा निर्वाचन आयोगले उम्मेद्वारले यी कुरमाहरुमा ध्यान दिनुपर्नेमा जोड दिएको छ ।
प्रतिनिधि सभा र प्रदेश सभा सदस्यको उम्मेद्वार हुन चाहिने योग्यता
– नेपालको नागरिक ।
– प्रतिनिधि सभा सदस्य निर्वाचनको हकमा कुनैपनि गाँउपालिका वा नगरपालिकाको अन्तिम मतदाता नामावलीमा नाम समावेश भएको र प्रदेश सभा सदस्य निर्वाचनको हकमा सम्बन्धीत प्रदेशको कुनैपनि गाँउपालिका वा नगरपालिकाको अन्तिम मतदाता नामावलीमा नाम समावेश भएको हुनुपर्ने छ ।
– पच्चीस बर्ष पुरा भएको हुनुपर्ने छ
– कुनै संघिय कानुनले अयोग्य नभएको हुनुपर्ने
– कुनै लाभको पदमा वहाल नभएको हुनुपर्ने जनाएको छ ।
उम्मेदवारको धरौटी के कति हुन्छ ?
– प्रतिनिधि सभा सदस्यका लागि दश हजार रुपैयाँ
– प्रदेश सभा सदस्यका लागि पाँच हजार रुपैयाँ हुने ।
– महिला, दलित वा अल्पसंख्यक समुदाय वा आर्थिक रुपले विपन्न उम्मेद्वारका हकमा सो धरौटी रकममा पचास प्रतिशत छुट रहेकोे छ ।
उम्मेद्वारको वैयक्तिक विवरणमा के के समावेश गर्ने ?
आफ्नो विषयमा मतदाता सुसूचित हुन सकुन भन्ने उदेश्यले उम्मेदवारले निम्न विवरण उल्लेख गर्नुपर्ने व्यवस्था आयोगले जनाएको छ ।
-पुरा नाम थार
-जिल्ला
-जन्म मिति
-पासपोर्ट साइजको फोटो
-पति पत्निको नाम थर
-माथिल्लो शैक्षिक योग्यता
-पेशा व्यवसाय अनुभव
-निर्वाचन क्षेत्र
-स्थायी ठेगाना
-जन्म स्थान र मिति
-बुबा आमाको नाम थर
-राजनीतिक दल
-शैक्षिक योग्यता हासिल गरेको संस्था
के कस्ता सम्पति खुलाउने ?
-अचल सम्पति विवरण
-चल सम्पनि विवरण नगद, सुन चाँदी, हिरा जवाहरात
-बैंक तथा वित्तिय संस्थामा रहेको विवरण
-धितोपत्र, शेयर वा ऋणको विवरण
-सवारी साधान आटोमोबाइल्सको हकमा
-कृषि तथा पशुधन
-अन्य सम्पनि विवरण
उम्मेदवारले के कस्ता विषयमा खर्च गर्न पाउने ?
-मतदाता नामावली खरिद
-प्रचार प्रशार सामाग्री
-गोष्ठि अन्तरक्रिया
-छापा एवं विद्युतिय सञ्चारमाध्यम (सामाजिक सञ्जाल सहित)
-कार्यालय सञ्चालन र प्रतिनिधि परिचालन
-सवारी साधन
-ढुवानी
-अन्य प्रचार प्रशार
