चैत ४, काठमाडौं । शिक्षा मन्त्री सुमना श्रेष्ठले आफ्नो नाम वा साइनो लिएर सरुवा बढुवाका लागि कर्मचारीलाई कारबाही गर्ने चेतावनी दिएकी छिन ।
आइतबार सामाजिक सञ्जालमार्फत मन्त्री श्रेष्ठले मन्त्रालयमा वा मातहतका निकायहरूमा आफ्नो नाम लिएर वा पार्टीको मार्फत, कर्मचारीको मार्फत वा कुनै पनि साइनो लाएर कुनै पनि किसिमको अनुचित नियुक्ति वा अनावश्यक सरुवा बढुवाको लागि ‘सोर्स फोर्स’ लाउन कसैले खोज्छ भने उसको मूल्याङ्कनमा ०.५ नम्बर घटाइने जनाएकी छिन ।
‘सोर्स फोर्स’ वा बार्गेनिङको गन्ध मात्र पनि थाहा पाउनुभयो भने complaints@moest.gov.np मा उजुरी गर्नुस अनुसन्धान गरेर तत्काल कारबाही गर्नेछौँ ।
कहीकतै भर्ना गर्न वा छात्रवृत्ति पाउन मेरो वा हाम्रा कर्मचारी साथीहरूको नाम लिएर कोही बार्गेनिङ गर्न आयो भने प्रमाण सहित सिधै मलाई खबर गर्नुहोला । निर्ममतापूर्वक कारबाही हुनेछ ।
उनले भनेकिछिन, हामीलाई परिणाम चाहिएको छ। प्रचारको पछि हामी लाग्दैनौँ । दुष्प्रचारको पछि तपाईँहरू पनि नलागिदिनुहोला ।
