काठमाडौं । सेयर बजारमा उछाल आएको छ । मंगलबार बजार एकाएक ५८.५८ अंकले बढेको हो । उक्त दिन बजार परिसूचकले २१ सय बिन्दु माथि उक्लिएको छ ।
आज परिसूचक २१११ दशमलव २४ अंकको बिन्दुमा पुगेर बन्द भएको छ । आज १३ वटौ उप सूमहरु हरियाली बनेका छन् ।
बजारसँगै कारोबार रकममा पनि बढोत्तरी देखिएको छ । आज ४ अर्ब ५५ करोड १६ लाख ३२ हजार रुपैयाँ बराबरको १ करोड ६ लाख ९ हजार ५९७ कित्ता सेयर किनबेच भएको छ।
लगानीकर्ताको मनोबाल बढेसँगै बजारमा उछाल आएको हो । अस्थिर राजनीति गतिविधिले लगानीकर्ता अन्यौलमा थिए। तर, नयाँ सक्तासमीकरणपछि भने उनीहरुको मनोबल दरिलो बन्दै गएको पाइन्छ । यता, नियामक निकायको नीतिगत सुधारले पनि थप टेवा पुगेको हो ।
बजार सुधारका लागि नव नियुक्ति अर्थमन्त्री वर्षमान पुनले पनि पहलकदमी अघि बढाएका छन् । उनले पुँजी बजारको नियामक निकायसँग सुझाव समेत माग गरेका छन् । पुँजी बजार विकास र विस्तारका लागि तत्काल गर्नुपर्ने कामहरु र सुझाव माग गर्दै अर्थमन्त्रीले नेपाल धितोपत्र बोर्ड, नेपाल स्टक एक्सचेञ्ज र सीडीएस एण्ड क्लियरिङलाई पत्र समेत काटी सकेका छन ।
उनले ७ दिनको म्याद राखेर तीन निकायलाई सुझावसहितको कार्ययोजना पेश गर्न निर्देशन दिएका हुन् । यसले पनि लगानीकर्ताको मनोबल बढाएको छ । यता, पछिल्लो समय बैंकहरुको ब्याजदर पनि घट्दो क्रममा नै छ । ब्याजदर पनि घट्दा सेयर बजारमा पनि सकारात्मक प्रभाव पर्छ । आगामी चैत महिनामा पनि ब्याजदर थप घट्ने संकेत छ । यसले पनि बजार थप सकारात्मक बनेको हो । आगामी दिन समेत बजारले गति लिने आँकलन गरिउको छ ।
