“काठमाडौं युथ कनक्लेभ २०२३” भदौ ९ गते हुने

काठमाडौं । भदौ ७, युनीभर्सल कलेज र फिनिक्स कलेज अफ म्यानेजमेन्टको संयुत्त आयोजनामा काठमाडौं युथ कनक्लेभको चौथो सस्मरण “काठमाडौं युथ कनक्लेभ २०२३” भदौ ९ गते शनिवार प्रज्ञा प्रतिष्ठानमा आयोजना हुँदैछ ।
नेपालको कुल जनसंख्याको ४२.५६ प्रतिशत युवा जनशक्ति रहेको छ । जनसंख्याको झण्डै आधाको हाराहारीमा रहेका युवा जनशक्ति बेरोजगारी र नैराश्यताकै कारण विदेशीन बाध्य भएका छन । हरेक दिन ३०० भन्दा बढी विद्यार्थीहरु उच्चशिक्षाका लागि बाहिरीरहेका छन् । विदेशीनेको संख्या हरेक दिन बढीरहेको छ । देशको आधा संख्या ओगट्ने युवायुवतीको समुहालाई एउटै मञ्चमा ल्याई विभिन्न क्षेत्रका सम्भावनालाई अवसरमा रुपान्तरण गरी सफलता प्राप्त गरेका व्यक्तिहरुको ज्ञान, सिप र अनुभवलाई युवावर्गमा बाँडी युवाहरुलाई देशको चौतर्फी विकाशमा योगदान पुर्याउन उत्साहित, अभिप्रेरित तथा दिशानिर्देश गर्ने उद्देश्यले यो वृहत कार्यक्रम आयोजना गर्न लागिएको हो । देशका शसक्त युवा शक्तिलाई विदेश जानु भन्दा आफ्नै देशमा सम्भावना खोज्न अभिप्रेरित गर्दै नेपालमै उच्च शिक्षा प्रदान गरी देशको आर्थिक विकासमा सक्रिय नेतृत्व दिइ स्वरोजगारका अवसरहरु सृजना गरी राष्ट्र् सेवामा अभिप्रेरित गर्ने यस कार्यक्रमको मुख्य भूमिका रहने छ ।
भदौ ९ गते १० बजेबाट बेलुका ६ बजे सम्म प्रज्ञाभवनमा हुने कार्यक्रममा १६ बर्ष देखि २५ बर्ष उमेरसमुहका ५ हजार बढि युवा युवातीको सहभागिता रहने आयोजकको अपेक्षा रहेको छ । साथै कार्यक्रममा युवा उद्यमी र उद्यमशीलतालाई प्रवर्धन गर्न स्टार्ट अप पभेलियन पनि राखिएको छ ।
कार्यक्रममा विगतका बर्षहरुमा झै यस बर्षपनि काठमाडौं युथ आइकन अवार्ड नेपालका ईस्पोर्टसेका सम्भावना उजागर गर्न सफल नेपाली पब्जी टीम डिआरसलाई रु. १ लाख पुरस्कार राशिले सम्मान गर्ने निर्णय गरेको छ ।
कार्यक्रमलाई आकर्षक बनाउनका लागि सांगितक प्रस्तुति, प्रहसन, नृत्य आदि प्रस्तुत गरिने छ । यस कार्यक्रमको प्रतक्ष प्रसारण काष्ठमाण्डप टेलिभिजनले गर्ने छ भने यस कार्यक्रमलाई ई सेवाले गरेको छ ।