काठमाडौं । शनिबार बिहानको बर्षाले सिन्धुलीको गोलान्जोर गाँउपालिकामा ३१ घरमा क्षति पुगेको छ ।
लेदोसहितको बाढीले गोलन्जोर गाउँपालिका २ का चारगाउँका ३१ घरमा क्षति पुर्याउनुका साथै पशुचौपाया बगाएको छ ।
शनिबार बिहानै देखि परेको अविरल बर्षाका कारण खोल्साहरुमा लेदोसहित आएको बाढीले ३१ घरमा क्षति पुर्याएको वडाध्यक्ष दौलत कार्कीका जानकारी दिएका छन् ।
। बितिजोर कुखुरेटारका चित्रबहादुर माझीको घरगाेठ पहिरोले बगाउँदा पाँचवटा सुँगुर र ६० वटा स्थानीय जातका कुखुरा पुरिएको जनाइएको छ ।
बितिजोरका कखुरेटार, तीनमाने, कटहरे, भालुखोलाका स्थानीय सबैको घरमा क्षति पुगेको वडाध्यक्ष कार्कीले बताए ।
खोल्सामा आएको लेदोसहितको बाढी स्थानीयका घरगोठमा पस्नुका साथै धानको ब्याड समेत पुरेकाे छ ।