काठमाण्डौं । सामाजिक न्याय तथा गरिबी निवारणमा क्रियाशील संस्था एक्सनएड इन्टरनेशनल नेपालले प्राप्त गरेको उपलब्धीको समिक्षा गरेको छ ।
संस्थाले नेपालको ४० वर्षको यात्राका क्रममा हासिल गरेको सफलतामा समीक्षा गर्नुका साथै सन् २०२२ को आर्थिक आयव्यय सार्वजनिक गरेको हो ।
मंगलबार काठमाडाैंमा आयोजित कार्यक्रममा संस्थाकी कार्यकारी निर्देशक सुजिता माथेमाले परिवर्तनशील समय र परिस्थिति अनुसार आफ्ना अवधारणा र दृष्टिकोणलाई समयानूकुल लचिलो बनाउँदै सामाजिक न्याय र गरिबी निवारणमा प्रतिवद्ध रहेको बताइन ।
कार्यक्रममा विभिन्न संघसंस्थाका प्रतिनिधिहरुले समाजिक न्यायका क्षेत्रमा संस्थाले गरेको योगदानको कदर गर्दै आगामि दिनका लागि शुभकामना दिएका थिए ।
एक्सनएड इन्टरनेशनल नेपाल बिभिन्न ४५ वटा देशमा क्रियाशील एक्सनएड इन्टरनेशनल फेडेरेसनको सदस्य हो । संस्थाले आफ्नो फेडेरेसन मार्फत १ करोड ५० लाख मानिसहरुसँग प्रत्यक्ष काम गरिरहेको जनाइएको छ।
संस्थाको स्थापना १९७२ भएको थियो भने नेपालमा यसको स्थापना सन् १९८२ मा भएको थियो । यसले गरिबी तथा बहिष्करणमा रहेका सीमान्तकृत समुदायका मानिसहरुको संगठन, आन्दोलन र अभियानसँग समन्वय तथा सहकार्य गरेर मानव अधिकार, नारीवादी दृष्टिकोणका साथउनीहरुको न्याय स्थापना र गरिबी निवारणको लागि काम गदै आएको छ ।
हाल एक्सनएड नेपाल महिला तथा युवाहरुको आन्दोलन र अभियानलाई ऐक्यवद्धता जनाउँदै आएको छ ।
