काठमाडाैं । काठमाडाैंकाे तारकेश्वर नगरपालिकामा बुधबार यात्रुबाहक बस शेषमति खोलामा खसेको छ । काभ्रेस्थलीबाट रत्नपार्क जाँदै गरेको बा. ३ ख. ६३६७ नम्बरको बस अनियन्त्रित भई शेषमति पुलनजिकै खोलामा खसेको महानगरीय प्रहरी वृत्त बालाजुले जनाएको छ ।
प्रहरीका अनुसार मोटरसाइकलसँग ठोक्किएर बस खोलामा खसेको हो । दुर्घटनामा आठ जना घाइते भएका छन् ।
घाइतेमध्ये एक जनाको अवस्था गम्भीर रहेको प्रहरीले जनाएको छ । गम्भीर घाइते हुने मोटरसाइकल चालक हुन् ।
घाइतेहरूको स्थानीय अस्पतालमा उपचार भइरहेको प्रहरीले जनाएको छ ।
