(सिन्धुलीबाट बलराम अधिकारीको सहयोगमा)
काठमाडाैं । सिन्धुलीगढी दुग्ध उत्पादक सहकारी संस्थाको तेह्रौं वार्षिक साधारणसभा सम्पन्न भएको छ ।
शनिबार कनपा ३ स्थीत चपौलीमा भएको कार्यक्रममा प्रमुख अतिथि तथा कमलाईमाइ नगरपालिक उप प्रमुख मञ्जु देवकोटाले संस्थाको विकासका लागि सहकारी शिक्षा तालिमका लागि पहल गर्ने बताउनुभयो ।
उहाँले दूध चिस्यान केन्द्र स्थापना गर्न आवश्यक यन्त्र उपकरणको लागि पहल गर्ने र व्यवसायीक कृषि पशुपालन गरि यस सहकारीलाई नगरपालिका मै उदाहरणीय वनाउन सबै जना लाग्नुपर्ने बताउनुभयो ।
वडा अध्यक्ष खड्गप्रसाद चौलागाइले संस्थाको साधारणसभाका अवसरमा सदस्यहरुलाई शुभकामना दिदै सहकारीको दिगो विकासका लागि वडासंगै वडावासीको साथ र सहयोग आवश्यक रहेको बताउनुभयो ।
कार्यक्रममा संस्थाका अध्यक्ष बलराम अधिकारीले संस्थाको प्रगति विवरण प्रस्तुत गर्दै संस्थाको उदेश्य प्राप्तीका लागि सबै सदस्यलाई संस्थाको हरेक कृयाकलापमा सक्रिय सहभागिता र संस्थाको मुख्य उदेश्य दूध उत्पादनलाई वढाउन हर प्रकारले लाग्न आग्रह गर्नुभयो ।
संस्थाले आगामि दिनमा शेयर सदस्य वृद्धि संगै दुधको परिणाममा अझ बृद्दि हुने सहकारीका निवर्तमान अध्यक्ष तथा हाल लेखा समिति सदस्य कुमार चौलागाईले बताउनुभयाे ।
संस्थाको हाल एकसय दस जना शेयर सदस्य रहेका छन् भने दैनिक २०० देखि २५० लिटर दुधको कारोवार भइरहेको छ । कार्यक्रममा संस्थाका पदाधिकारीहरू, कर्यसमिति सदस्यहरू, साधारण सदस्य, विभिन्न सहकारी संस्थाका प्रतिनिधि, राजनीतिक दलका प्रतिनिधि र स्थानीयकाे सहभागिता रहेकाे थियाे ।
