असोज २९, काठमाडौं । मनसुन बाहिरीएसंगै काठमाडौं उपत्यकामा वायुप्रदूषण वढ्न थालेको छ । आज बिहान ८ बजेको गौशला क्षेत्रको वायु गुणस्तर १६२ एक्युआइ रहेको छ । त्यस्तै भंगाल सडकको १४४ एक्युआइ रहेको छ भने बालुवाटार क्षेत्रको वायु गुणस्तर ११३ एक्युआइ रहेको छ ।
भक्तपुरको वायु गुणस्तर १०४ एक्युआइ रहेको छ । त्यस्तै ललितपुरस्थित पाटन क्षेत्रको वायु गुणस्तर ११५ एक्युआइ रहेको छ ।
मनसुन सक्रिया रहदासम्म वायु गुणस्तर राम्रो भएपनि अक्टोबर १० पछि गुणस्तर निरन्तर खस्कदै आएको छ । एक्युआइले वायुको गुणस्तरलाई मापन गर्छ र यसले हावा कति प्रदूषित छ वा छैन भन्ने जानकारी दिन्छ । एक्युआइको मान जति कम हुन्छ, वायुको गुणस्तर त्यति नै राम्रो मानिन्छ।
साधारणतया ५० एक्युआइसम्मको वायुलाई सास फेर्न मिल्ने मानिन्छ । १०० भन्दा बढी एक्युआइले संवेदनशील समूहहरूका लागि जोखिम बढाउँछ र १५१ भन्दा माथि सामान्य व्यक्तिका लागि समेत अस्वस्थ्य मानिन्छ ।
यसले हावामा रहेका हानिकारक कणहरू (जस्तैः पिएम २.५ र पिएम १०) र ओजोन (०३) जस्ता प्रदूषकहरूको मात्रा देखाउँछ।
पएिम २.५ रपिएम १० भनेको वायुमा उड्ने साना कणहरू हुन्, जसमा पिएम २.५ अति सूक्ष्म र स्वास्थ्यका लागि बढी हानिकारक हुन्छ।
काठमाडाैं उपत्यकामा वायुप्रदूषणकाे मुख्य कारण सवारी साधन, इटाभट्टाबाट निस्कने धुवाँ र निर्माणस्थलबाट निस्कने माटाे बालुवाकाे कण रहेकाे छ।
