काठमाडौं । हालैको जेनजी आन्दोलनपछि उत्पन्न परिस्थितिलाई ध्यानमा राख्दै गृह मन्त्रालयले आम नागरिकका लागि हेल्प डेस्क स्थापना गरेको छ ।
सम्भावित उच्छृंखल गतिविधि नियन्त्रण तथा नागरिकलाई समस्या समाधानमा सहजीकरण गर्न मन्त्रालयले ९८५१३६०६०३ नम्बर सहितको सहायता कक्ष सञ्चालनमा ल्याएको हो ।
मन्त्रालयका अनुसार नागरिकले सूचना, गुनासो, सल्लाह वा सुझाव दिन चाहेमा उक्त नम्बरमार्फत सम्पर्क गर्न सक्नेछन् । हेल्प डेस्कमार्फत शान्ति सुरक्षा कायम राख्न र नागरिक सरोकारका विषयमा चाँडो प्रतिक्रिया दिन सकिने उद्देश्य लिइएको मन्त्रालयले जनाएको छ।
