असोज ४, काठमान्डौ । मिल्कि वे शेयर ब्रोकर कम्पनी लिमिटेडको तेस्रो वार्षिक साधारण सभा आज चक्रपथस्थित कम्पनीको कार्यलयमा सफलतापुर्बक सप्पन्न भएको छ।
कम्पनिको लेखापरिक्षण भएको आर्थिक वर्ष २०८१/८२ को वासलात, नाफा नोक्सान हिसाब लगाएतका वार्षिक प्रतिवेदन आज पेश गरिएको थियो । मिल्कि वे शेयर ब्रोकर कम्पनी लिमिटेडले आफसँग भएका स्रोत साधनको अधिक्तम सदुपयोग गर्ने नीतिलाई उच्च प्राथमिकतामा राखि यथासम्भव दक्षतापूर्वक कारोबार सञ्चालन गर्ने व्यहोरा आज कार्यक्रममा प्रस्तुत भएको थियो ।
आर्थिक वर्ष २०८१/८२ मा कम्पनीले गरेका प्रगतिहरु, उपलब्धिहरु, सञ्चालनमा देखिएका कमिकमजोरी एवं चुनौति तथा अवसर भविष्यका अल्पकालीन तथा दिर्घकालीन योजनाहरु र समग्र सञ्चालन कार्यको समिक्षा र पुनरावलोकन गर्न कम्पनी ऐन २०६३, धितोपत्र दर्ता तथा निष्काशन नियमावली, २०७३ तथा अन्य प्रचलित कानुनको अधिनमा रही तयार गरिएको प्रतिवेदन सञ्चालक समितिको तर्फबाट आज कार्यकारि अध्यक्ष मदन कडेलले प्रस्तुत गर्नु भएको थियो । कारोवारको संक्षिप्त विवरण : कम्पनीको आर्थिक वर्ष २०८१/८२ को अन्त्य सम्ममा रू. १९,५३,६३,२५,४२३३२ को कारोबार भएको छ ।
यस कम्पनीको हालसम्मको अधिकृत पूँजी रू ३० करोड र संस्थापकको तर्फबाट चुक्ता पूँजी रू. २० करोड रहेको छ । संस्थाको कार्यक्षेत्र नेपाल अधिराज्यभर रहेको छ तथापि यस कम्पनीको केन्द्रीय कार्यालय काठमाडौं-३, महाराजगञ्ज नारायणगोपाल चोकमा रहेको छ । आर्थिक वर्ष २०८१/८२ मा कर्मचारीहरुलाई कम्पनीले विभिन्न संघ संस्थासंग समन्वय गरि आवश्यक तालिममा कम्पनीका कर्मचारीलाई सहभागिता गराएको थियो। यसबाट कम्पनीको कार्यदक्षता तथा कर्मचारीहरुको उत्पादनशिलता बढ्ने विश्वास गरिएको छ । कम्पनीको आर्थिक वर्ष २०८१/८२ को लेखापरीक्षण भैसकेको हुनाले आर्थिक वर्ष २०८१/८२ को वित्तीय विवरणहरु तथा वार्षिक प्रतिवेदन पुस्तिकामा छुट्टै संलग्न गरिएको थियो ।
