काठमाडौं । अशोज १ ,पुराना गाडीहरूबारे प्रचलित नकारात्मक धारणा हटाउने उद्देश्यसहित रेसिङ अटोमोबाइल प्रा. लि. ले आफ्नो नयाँ प्रमोसनल जिङ्गल सार्वजनिक गरेको छ ।
कम्पनीले पारदर्शिता र विश्वासलाई पहिलो प्राथमिकता दिँदै ग्राहकहरूलाई दुर्घटनारहित गाडीको प्रमाणपत्र प्रदान गर्ने घोषणा गरेको छ । रेसिङ अटोमोबाइल्सले ग्राहकहरूलाई बिक्रीको मितिसम्म गाडी कुनै पनि दुर्घटनामा नपरेको भन्ने विश्वास दिलाउन प्रमाणपत्र दिने छ । यदि भविष्यमा गाडी बिक्री मितिभन्दा अगाडि दुर्घटनामा परेको प्रमाण भेटिएमा, कम्पनीले सो गाडी ग्राहकले खरिद गरेको मूल्यमा नै फिर्ता लिने र नगद फिर्ता गर्ने ग्यारेन्टी दिने प्रमुख बिजनेश एड्भाईजर सिताराम भटराईले बताएका छन् ।
रेसिङ अटोमोबाइल्सले पुराना गाडीहरूलाई पुनः विश्वासको दृष्टिले हेर्न प्रेरित गर्दै नेपाली सवारी बजारमा पारदर्शिता र जिम्मेवारीको नयाँ उदाहरण प्रस्तुत गर्ने लक्ष्य लिएको उनले भनेकम्पनीले भ्रमपूर्ण वा झुटा जानकारी दिने व्यापारिक दृष्टिकोण नअपनाउने स्पष्ट गर्दै पारदर्शिता र इमानदारीलाई आफ्नो सेवा दर्शनको मूल आधार बनाउने प्रतिबद्धता जनाएको छ
कार्यक्रममा सार्वजनिक गरिएको नयाँ जिङ्गल विभिन्न सामाजिक सञ्जालहरू, रेडियो तथा अन्य श्रव्य माध्यमहरूबाट प्रसारण गरिने छ । यस जिङ्गलमार्फत रेसिङ अटोमोबाइल्सका मुख्य मान्यता, सेवा विशेषता र ग्राहकप्रति समर्पणलाई जनसमक्ष प्रस्तुत गरिने छ ।
