संविधानको बिपरित कुनै कदम चालिए त्यसले देशलाई थप दुरर्घटनामा लैजान सक्छ : अधिवत्ता बिष्णु गिरी

काठमाडौ । अधिवत्ता बिष्णु गिरीले संबिधान अनुसार नै बर्तमान संकटको निकास खोजिए सबैलाई स्वीकार्य हुने बताएका छन् । संविधानको भावना र मर्म बिपरित कुनै कदम चालिए त्यसले देशलाई थप दुरर्घटनामा लैजान सक्ने अधिवत्ता गिरीको भनाई छ ।
गिरीका अनुसार तत्काल संसदको बैठक बसी राष्ट्रपतिसमक्ष वाधा अड्काउ फुकाउ सिफारिस गर्ने गनुपर्ने र त्यसपछि संसदले जेनजी र जारी आन्दोलनको भावना, मर्मअनुसार सर्वस्वीकार्य, स्वतन्त्र, निष्कलंक व्यक्तिलाई प्रधानमन्त्री नियुक्तिका लागि राष्ट्रपति समक्ष सिफारिस गनुपर्ने बताएका छन् । राष्ट्रपति समक्ष नाम सिफारिस गर्नु अघि जेनजी प्रतिनिधीसँग छलफल गरी नाम छनौट गर्नुपर्ने र सोही ब्यत्तिलाई राष्ट्रपतिले प्रधानमन्त्री  नियुक्त गर्नुपर्ने अधिवत्ता गिरीको सुझाब छ ।
अधिवत्ता गिरीका अनुसार यसरी नियुक्त भएको प्रधानमन्त्रीले चुनावको मिति घोषणा गरेर संसद विघटनको सिफारिस गर्ने सकिने उनको भनाई छ ।  यसपछि  हालसम्म सत्तामा बसेका र आसेपासेले गरेका भ्रष्टाचार छानविन गरि जेलमा कोच्न शक्तिशाली संवैधानिक निकाय बनाई ६ महिना देखि १ बर्ष भित्र अनुसन्धान गरेर अभियोजन गरिसक्नेगरी काम गर्न सकिने बताए यसो गर्न सकिएमा यो सबैलाई सर्वस्वीकार्य हुने अधिवत्ता गिरीको भनाई छ ।
जेनजीहरूको समेत अपनत्व र प्रतिनिधित्व हुने गरी संविधान अनुसार अन्तरिम सरकार गठन गर्न सके वर्तमान संविधानका पक्षधरहरूबाट उत्पन्न हुन सक्ने चुनौतिको पनि समाधान हुने  गिरीको भनाई छ । संविधान बाहिरबाट सरकार गठन गरिए, त्यसले राज्यका सबै निकायको वैधानिकतामाथि प्रश्न खडा भइ अकल्पनीय अवस्था सिर्जना हुने हुने खतरा बढने अधिवत्ता गिरीको भनाई छ । अधिवत्ता गिरीले राष्ट्रको संकट सबै नागरिकको सरोकारको र जिम्मेवारीको विषय भएको भन्दै  आन्दोलनले स्थापित गरेका नारा र एजेन्डालाई सफल पार्न वैधानिकता बाटो रोज्नु पर्नेमा जोड दिएका छन ।