काठमाडौँ । साउन २६, नेपाल पर्यटक यातायात व्यवसायी सङ्घले आफ्नो विगतको उपलब्धि र आगामी योजना सार्वजनिक गर्दै २२औँ साधारण सभामा भिम बहादुर गोले नेतृत्वको टिमलाई अत्याधिक मतले विजयी गराउन व्यवसायीहरूलाई आह्वान गरेको छ।
नेपाल पर्यटक यातायात व्यावसायि सङ्ग भन्ने संस्था हामी सबैको गर्वको धरोहर हो । पर्यटक यातायात क्षेत्रको परिचय दिने मात्र हैन हामिले अहिले गरिरहेको व्यवसायको मार्ग निर्देश गर्ने पर्यटक यातायात कार्यबिधि- २०६८ लाई ल्याउन मुख्य योग्दान दिने नै संस्था हो । ईन्धनमा VAT मिलान गर्न पाउने व्यवस्थाको पुनः कायम गराउने,कोभिडको बेला बार्षिक सवारी करमा व्यवसायीलाई लगाईएको अनावश्यक जरिवानालाई छुट गराउने, बिभिन्न बैंकहरुले व्यवसायीलाई कालोसुचीमा राख्दै लिलामीको लागि निकालेको सुचनाको प्रतिरोध गर्ने, पर्यटक यातायात क्षेत्रमा कोभिड भ्याक्सिनको व्यवस्था गर्ने, प्रदेश पर्यटन ऐनमा पर्यटक यातायातको छुट्टै पहिचान दिने जस्ता कयौं कार्यहरु गरिसकेको छ । जुन कुराहरु व्यवसायी हितका लागि भएका थिए ।
वर्तमान अध्यक्ष वेदराज बास्तोला नेतृत्वको कार्यसमितिको उपलब्धिहरूमा, पर्यटक यातायातका ठूला सवारी साधनलाई होटल मल्लदेखि सोह्रखुट्टेसम्म २४ घण्टा चल्न पाउने व्यवस्था, उपत्यकामा पार्किङ तथा पिकअप–ड्रपको समस्या समाधान, संघीय पर्यटन ऐन तथा यातायात ऐनमा पर्यटक यातायातको छुट्टै पहिचान कायम गर्ने पहल, पेट्रोलियम पदार्थको मूल्यवृद्धिसँगै नयाँ भाडादर तय गर्ने कार्य, ट्राफिक प्रहरीद्वारा गरिएका अनावश्यक अवरोध रोक्ने प्रयास, राहत कोष स्थापना, बक्यौता असुलीमा अग्रसरता, बिजुली सवारी साधनलाई पर्यटक सवारीमा रूपान्तरण गर्ने अवरोध हटाउने, र २० वर्ष नाघेका विदेशी सवारी साधनमा पत्रु नीति लागू नगर्न मन्त्रालयमा दबाब सिर्जना गर्ने कार्य प्रमुख छन्।
सङ्घका अनुसार हाल पाइपलाइनमा रहेका महत्वपूर्ण कार्यहरूमा प्रदेशीय कार्यालयहरू विस्तार, बागमती प्रदेश सरकारले हरियो नम्बर प्लेट हटाउने कानुनको विरोध, होटल–रिजोर्टपछिको दोस्रो ठूलो लगानी भएको पेशालाई जोगाउन सक्षम टिम अगाडि बढाउने, चालक–सहचालकलाई मर्यादित बनाउने कार्यक्रम, तथा १३औँ साफ गेम, लगानी सम्मेलन र अन्तर्राष्ट्रिय भ्रमणहरूमा उत्कृष्ट सेवा प्रदान गरेर सङ्घलाई ‘विशिष्ट यातायात सेवा प्रदायक संघ’ का रूपमा मान्यता दिलाउने पहल पर्छन्।
सङ्घले आफ्नो प्रतिवद्धता पत्रमार्फत नेपालको पर्यटक यातायात क्षेत्रमा मर्यादा, अधिकार र व्यवसायिक सुरक्षाको लागि जुझारु नेतृत्व अपरिहार्य भएको भन्दै आगामी नेतृत्वका लागि भिम बहादुर गोलेको टिमलाई समर्थन गर्न सबै सदस्य व्यवसायीहरूलाई अपिल र आग्रह समेत गरेको छ।
