काठमाडौं । हेटौंडा उपमहानगरपालिका ११ स्थित सहीद स्मारकमा सुबिधा सम्पन्न ‘होटल स्मारक’ सञ्चालनमा आएको छ । बागमती प्रदेशको राजधानी हेटौंडाको पर्यटकीय क्षेत्र सहिद स्मारक नजिकै उक्त सुबिधा सम्पन्न होटल खुलेको हो ।
सुन्दरनगरी हेटौडाको शासन्त एव्ं रमणिय स्मारक क्षेत्रमा रहेको ‘होटल स्मारक’ को निर्माणकार्य सम्पन्न भई गत असोज २ गतेबाट पूर्ण सेवासहित सञ्चालनमा आएको हो ।
करिव ३३ करोड लागतमा निर्माण भएको होटल १२ कठ्ठा ११ धुर क्षेत्रफलमा फैलिएको छ । होटलमा ३५ सय रुपैयाँ देखि १८ हजार रुपैयाँ सम्मका ३३ वटा कोठा रहेका छन् ।
होटलले कोठाहरुलाई डिलक्स, प्रिमियम, स्वीइट, हनीमुन प्रेसिडेन्टल रुमका रुपमा वर्गिकरण गरेको छ ।
होटलमा तीन सय जना क्षमताको बेन्क्युट हल, एकसय पचास जना क्षमताको कन्फरेन्स हलसहितको सुबिधा पनि उपलब्ध गराएको छ ।
