काठमाडौं । ग्लोबल आईएमई बैंकले गत आर्थिक वर्ष २०८०/८१ को चौथो त्रैमासिक वित्तीय विवरण सार्वजनिक गरेको छ । बैंकले सार्वजनिक गरेको वित्तीय विवरण अनुसार बैंकको नाफामा गिरावट देखिएको छ ।
गत आर्थिक वर्षको अन्त्यसम्म बैंकले गत आर्थिक वर्ष ६ अर्ब १ करोड रुपैयाँ खुद नाफा आर्जन गरेको छ । यो अघिल्लो आर्थिक वर्षको तुलनामा १०.१ प्रतिशतले धेरै हो । अघिल्लो आर्थिक वर्षमा यस्तो नाफा ६ अर्ब ६९ करोड रुपैयाँ थियो ।
बैंकको खुद ब्याज आम्दानी पनि २.७४ प्रतिशतले घटेर १६ अर्ब ६३ करोड रुपैयाँ पुगेको छ अघिल्लो आर्थिक वर्षको सोही अवधिमा बैंकको यस्तो आम्दानी १७ अर्ब १० करोड रुपैयाँ रहेको थियो ।
बैंकको सञ्चालन मुनाफा ८.२५ प्रतिशत घटेर ८ अर्ब ७४ करोडमा सीमित भएको छ । अघिल्लो वर्ष ९ अर्ब ५३ करोड रुपैयाँ रहेको थियो । बैंकले लोन लस प्रोभिजनवापत ३ अर्ब ७४ करोड रुपैयाँ छुट्याएको छ । बैंकको निष्क्रिय कर्जा ३.१५ प्रतिशत प्रतिशतबाट बढेर ४.३७ प्रतिशत पुगेको छ ।
बैंकको वितरणयोग्य मुनाफा १ अर्ब १० करोडमा सीमित बन्न पुगेको छ । अघिल्लो वर्षको सोही अवाधामा बैंकको वितरणयोग्य मुनाफा ३ अर्ब २४ करोड रुपैयाँ रहेको थियो । यो सँगै बैंकको बैंकको लाभांश ३.०६ प्रतिशतमा सीमित बन्न पुगेको छ ।
बैंकको नाफासँगै प्रतिसेयर आम्दानी पनि खस्किएको छ । बैंकको यस्तो आम्दानी १८ रुपैयाँ ७१ पैसाबाट घटेर १६ रुपैयाँ ६५ पैसामा झरेको छ ।
बैंकले कुल ४ खर्ब ८७ अर्ब निक्षेप संकलन गरी ३ खर्ब ६९ अर्ब कर्जा विस्तार गरेको छ । ३६ अर्ब १२ करोड रुपैयाँ चुक्ता पूँजी रहेको यस बैंकको जगेडा कोषमा २४ अर्ब ८५ करोड रुपैयाँ सञ्चित छ।
