काठमाडौं । नबिलले बैंकको नाफा ७ अर्ब माथि छ । बैंकले सोमबार प्रकाशन गरेको आर्थिक वर्ष २०८०/८१ को चौंथो त्रैमासिक वित्तीय विवरणले यस्तो देखाएको हो ।
गत वर्ष नबिलले ७ अर्ब ६ करोड ३३ हजार रुपैयाँ खुद नाफा कमाएको छ । जुन अघिल्लो आवको तुलनामा १०.२३ प्रतिशत बढी हो । अघिल्लो आवमा पनि बैंकले ६ अर्ब ४० करोड ४९ लाख ३६ हजार रुपैयाँ खुद नाफा कमाएको थियो ।
खुद नाफामा दोहोरो अंकले बढेता पनि बैंकको खुद ब्याज आम्दानीमा भने गिरावट देखिएको छ । गत वर्ष बैंकको यस्तो आम्दानी ८.६९ प्रतिशत घटेर १६ अर्ब २० करोड ७० लाख रुपैयाँ कायम भएको छ ।
गत वर्ष बैंकको संचालन नाफा पनि ३.५१ प्रतिशत बढेर ९ अर्ब ८४ करोड ६८ लाख रुपैयाँ कायम भएको छ । यता, बैंकको वितरणयोग्य मुनाफा भने ३ अर्ब ८५ करोड ७३ लाख ४४ हजार रुपैयाँ छ । यो वर्ष नबिलले दोहोरो अंकमा लाभांश दिन सक्ने हैसियत बनाएको छ । बैंकले गत आवको मुनाफाबाट यो वर्ष आफ्ना सेयरधनीहरुलाई १४.२६ प्रतिशत लाभांश दिन सक्ने हैसियत बनाएको हो ।
बैंकको प्रतिसेयर आम्दानी (इपिएस) २६ रुपैयाँ ०९ पैसा कायम भएको छ भने प्रतिसेयर नेटवर्थ २२० रुपैयाँ १६ पैसा छ । बैंकले अघिल्लो आवको तुलनामा खराब कर्जा पनि घटाएको छ । हाल यस्तो कर्जा १.०७ प्रतिशत छ । तर, अघिल्लो आवमा भने बैंकसँग १.१८ प्रतिशत खराब कर्जा रहेको थियो ।
हाल बैंकको चुक्ता पुँजी २७ अर्ब ५ करोड ६९ लाख रुपैयाँ छ । बैंकले जगेडा तथा कोषमा भने ३२ अर्ब ५१ करोड ९ लाख रुपैयाँ राखेको छ ।
बैंक बिजनेसमा पनि आक्रामक देखिएको छ । गत वर्ष बैंकको निक्षेप १६.४४ प्रतिशत बढेको देखिन्छ भने कर्जा प्रवाह १२.९४ प्रतिशत बढेको छ। गत वर्ष बैंकले कुल ४ खर्ब ६२ अर्ब ८ करोड ५९ लाख रुपैयाँ निक्षेप संकलन गरेको छ । कुल कर्जा लगानी भने ३ खर्ब ७३ अर्ब ९७ करोड ७५ लाख रुपैयाँ कायम भएको छ।
