३१ जेठ, काठमाडौं । तनहुँको पर्यटकीय आकर्षण बन्दीपुरमा केबलकार सञ्चालनमा आएको छ ।
निर्माण सम्पन्न पश्चात बिहीबारदेखि औपचारिक रुपमा केवलकार सञ्चालनमा आएको हाे । कम्पनीले करिब एक वर्ष अगाडिदेखि नै केबलकार जडान सम्पन्न गरी लोड परीक्षण भएको गरी सञ्चालनका ल्याएकाे जनाएकाे छ ।
तीन चरणमा परीक्षणकाल सकिएपछि कम्पनीलाई व्यावसायिक ‘अप्रेसन टीयूभी’ प्रमाणपत्र प्राप्त भएको कम्पनीले जनाएकाे छ ।
कम्पनीका अनुसार केबलकारको ३१ डिब्बामध्ये २१ वटाले यात्रु बोक्नेछन् भने अन्यले सामग्री ढुवानी गर्नेछन् । दैनिक बिहान ६ बजेदेखि राति ११ बजेसम्म सञ्चालन गर्ने गरी केबलकार चलाइएको हो ।
मनकामना, चन्द्रागिरि, पोखरा, बुटवल, दोलखा, नवलपरासीका स्थानमा केबलकार सञ्चालनमा रहेकाे छ ।
